കട്ടപ്പന: സിവിൽ സപ്ലൈസ്‌കോർപറേഷന്റെ ക്രിസ്മസ് പുതുവത്സര ഫെയറിന് കട്ടപ്പനയിൽ തുടക്കമായി. പീപ്പിൾസ് ബസാറിൽ നടന്ന ചടങ്ങിൽ ജലവിഭവ മന്ത്രിറോഷി അഗസ്റ്റിൻ ഫെയർ ഉദ്ഘാടനം ചെയ്തു.ജില്ലയുടെ രൂപീകരണവുമായി ബന്ധപ്പെട്ട ഒരു വർഷം നീണ്ടു നിൽക്കുന്ന പരിപാടികൾ നടത്താനാണ് ജില്ലാ ഭരണകൂടവും സംസ്ഥാന സർക്കാരും പദ്ധതിയിട്ടിരിക്കുന്നത്. അതിന്റെ ഭാഗമായി ജില്ലാനേരിടുന്ന ഭൂപ്രശ്‌നങ്ങൾക്ക് പരിഹാരമാവുന്ന നടപടികൾ സ്വീകരിക്കും. ഇടുക്കി പാക്കേജ് ജനങ്ങൾക്ക് ഉപകാര പ്രദമായ രീതിയിൽ നടപ്പിലാക്കാനാണ് തീരുമാനം. ഉദ്ഘാടന ചടങ്ങിൽ കട്ടപ്പന നഗരസഭ ചെയർപേഴ്‌സൺ ബീനാജോബി അദ്ധ്യക്ഷത വഹിച്ചു. ആദ്യ വില്പന കട്ടപ്പനബ്ലോക്ക് പഞ്ചായത്ത് പ്രസിഡന്റ്‌ജോസുകുട്ടി കണ്ണമുണ്ടയിൽ നിർവഹിച്ചു. ചടങ്ങിൽ രാഷ്ട്രീയ ,സാമൂഹിക , സാംസ്‌കാരികനേതാക്കൾ പ്രസംഗിച്ചു..