കണ്ണൂർ: പോ​ളി​ടെ​ക്നി​ക് വി​ദ്യാ​ർ​ത്ഥി​യെ ഹോ​സ്റ്റ​ലി​നു​ള്ളി​ലെ ഒ​ഴി​ഞ്ഞ മു​റി​യി​ൽ തൂ​ങ്ങി ​മ​രി​ച്ചനി​ല​യി​ൽ കണ്ടെത്തിയ സംഭവത്തിൽ അന്വേഷണം ആവശ്യപ്പെട്ട് പിതാവ്. മരണത്തിൽ ദുരൂഹതയുണ്ടെന്നും മരിക്കാൻ തക്കതായ കാരണങ്ങളൊന്നും മകന് ഇല്ലായിരുന്നെന്നും അശ്വന്തിന്റെ പിതാവ് ശശി എടക്കാട് പൊലീസിൽ നൽകിയ പരാതിയിൽ പറയുന്നു. രാത്രിവരെ സന്തോഷിച്ചിരുന്ന മകൻ പെട്ടെന്ന് ഒരു കാരണവുമില്ലാതെ മരിച്ചെന്ന് പറഞ്ഞാൽ വിശ്വസിക്കാനാവില്ലെന്നും പിതാവ് പറഞ്ഞു. എടക്കാട് പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. അശ്വന്തിന്റെ ഫോണും മറ്റും പരിശോധിക്കണമെന്ന് എടക്കാട്

പൊലീസ് പറഞ്ഞു. അതേസമയം വിദ്യാർത്ഥിയുടെ പോസ്റ്റ്മോർട്ടം ഇന്ന് കണ്ണൂർ ഗവ. മെഡിക്കൽ കോളജിൽ നടക്കും. പോസ്റ്റ്മോർട്ടം റിപ്പോർട്ട് വന്നതിന് ശേഷമേ കൂടുതൽ കാര്യങ്ങൾ പറയാൻ സാധിക്കുവെന്നും പൊലീസ് അറിയിച്ചു. കഴിഞ്ഞദിവസം രാവിലെയാണ് കണ്ണൂർ തോ​ട്ട​ട പോ​ളി​ടെ​ക്നി​ക് കോ​ളേ​ജി​ലെ അ​വ​സാ​നവ​ർ​ഷ ഇ​ല​ക്‌ട്രോ​ണി​ക്സ് വി​ദ്യാ​ർത്ഥി​യായ കോഴിക്കോട് ന​ടു​വ​ണ്ണൂ​ർ മൂ​ലാ​ട് ത​ച്ചോ​ല​ത്ത് ഹൗ​സി​ൽ എ​സ്. അ​ശ്വ​ന്തി (19) നെ​ ഹോസ്റ്റലിലെ ഒഴിഞ്ഞമുറിയിൽ മ​രി​ച്ചനി​ല​യി​ൽ ക​ണ്ടെ​ത്തി​യ​ത്.​ ചൊ​വ്വാ​ഴ്ച രാ​ത്രി 11 വ​രെ ന​വാ​ഗ​ത​രെ സ്വാ​ഗ​തം ചെ​യ്യു​ന്ന​തി​നാ​യു​ള്ള ഒ​രു​ക്ക​ങ്ങ​ളി​ൽ അ​ശ്വ​ന്ത് ഏ​ർ​പ്പെ​ട്ടി​രു​ന്നു. സഹപാഠികളെയെല്ലാം ചോദ്യം ചെയ്തിരുന്നെങ്കിലും സംശയാസ്പദമായി ഒന്നും കണ്ടെത്തിയില്ലെന്നാണ് പൊലീസ് പറയുന്നത്.