കണ്ണൂർ: കണ്ണൂർ സർവകലാശാല വി.സി രാജിവെക്കണമെന്ന് ആവശ്യപ്പെട്ട് യുവമോർച്ചയുടെ നേതൃത്വത്തിൽ കണ്ണൂർ സർവകലാശാല ആസ്ഥാനത്തേക്ക് നടത്തിയ മാർച്ചിൽ സംഘർഷം. മാർച്ച് ആസ്ഥാനത്തിന് സമീപം പൊലീസ് ബാരിക്കേഡ് ഉപയോഗിച്ച് തടഞ്ഞു. പ്രവർത്തകൾ ബാരിക്കേഡ് ബലംപ്രയോഗിച്ച് മറികടക്കാൻ ശ്രമിച്ചതോടെയാണ് സംഘർഷം ഉടലെടുത്തത്.പൊലീസ് പ്രവർത്തകർക്ക് നേരെ ലാത്തി വീശുകയും ജലപീരങ്കി പ്രയോഗിക്കുകയും ചെയ്തു. തുടർന്ന് പ്രവർത്തകരെ പൊലീസ് അറസ്റ്റ് ചെയ്ത് നീക്കി.

സംസ്ഥാന പ്രസിഡന്റ് പ്രഫുൽ കൃഷ്ണ ഉദ്ഘാടനം ചെയ്തു. മനോജ് പൊയിലൂർ, അഡ്വ. ജിതിൻ രഘുനാഥ്, അർജുൻ മാവിലക്കണ്ടി എന്നിവർ നേതൃത്വം നൽകി.