കൊവിഡ് വിതച്ച ഭീതിയുടെ നിഴലിലായിരുന്നു കണ്ണൂരിനും 2021. നൂറുകണക്കിന് പേരുടെ വിയോഗത്തിന് ഇടയാക്കിയ വർഷം അവസാനിക്കുമ്പോൾ പ്രതീക്ഷകളും ഒട്ടേറെയാണ്. ദേശീയപാത വികസനവും ബൈപ്പാസ് നിർമ്മാണം , ഇരിണാവിലെ ഇലക്ട്രിക് ഓട്ടോ നിർമ്മാണ ഫാക്ടറി, അഴീക്കൽ തുറമുഖത്ത് ചരക്കുകപ്പൽ സർവീസ്,തുടങ്ങി പശ്ചാത്തല വികസനത്തിൽ പ്രതീക്ഷാനിർഭരമാണ് വരും വർഷം.ചരിത്രത്തിലാദ്യമായി സി.പി.എമ്മിന്റെ പാർട്ടി കോൺഗ്രസിന് കണ്ണൂർ സാക്ഷ്യം വഹിക്കാനിരിക്കുകയാണ്. മലയാളസിനിമയുടെ മുത്തശ്ശൻ ഉണ്ണിക്കൃഷ്ണൻ നമ്പൂതിരിയുടേതടക്കം വിയോഗവാർത്തകളും ഏറെയുണ്ട്.പോയ വർഷത്തിലെ സുപ്രധാന ഏടുകളിലേക്ക് ഒരു തിരിഞ്ഞുനോട്ടം.
പ്രധാന സംഭവങ്ങൾ
ജനുവരി 16- മലബാർ കാൻസർ സെന്റർ ഡയറക്ടർ ഡോ.ബി.ബാലകൃഷ്ണൻ ജില്ലയിൽ ആദ്യമായി കൊവിഡ് വാക്സിൻ സ്വീകരിച്ചു.
ഫെബ്രുവരി 23- കണ്ണൂരിൽ ആദ്യമായി രാജ്യന്തര ചലച്ചിത്ര മേള.
മാർച്ച് 15-കണ്ണൂർ നഗരത്തിലെ മൂന്ന് വീടുകളിൽ എൻ.ഐ.എ റെയ്ഡ്.
മാർച്ച് 16 -കണ്ണൂർ ഷൊർണൂർ മെമു സർവീസ് ആരംഭിച്ചു.
ഏപ്രിൽ7-തിരഞ്ഞെടുപ്പ് അക്രമത്തിൽ പാനൂർ പുല്ലൂക്കരയിൽ യൂത്ത്ലീഗ് പ്രവർത്തകൻ മൻസൂർ(22) കൊല്ലപ്പെട്ടു.
ഏപ്രിൽ 12-അനധികൃത സ്വത്ത് സമ്പാദന കേസിൽ ലീഗ് നേതാവ് കെ.എം ഷാജിയുടെ വീട്ടിൽ വിജിലൻസ് റെയ്ഡ്.
ഏപ്രിൽ 26-ദുരിതാശ്വസനിധിയിലേക്ക് രണ്ടുലക്ഷം സംഭാവന ചെയ്ത് കണ്ണൂർ സ്വദേശി ജനാർദ്ദനൻ.
ജൂൺ 27-കരിപ്പൂർ സ്വർണക്കടത്ത് കേസിൽ അർജ്ജുൻ ആയങ്കി അറസ്റ്റിൽ.
ജൂലായ് 5-മാട്ടൂലിൽ എസ്.എം.എ ബാധിച്ച ഖാസിമിന് 18 കോടി സ്വരൂപിച്ചു.
ജൂലായ് 17-സംസ്ഥാനത്തെ ആദ്യ വിധവ ഹെല്പ് ഡസ്‌ക് കണ്ണൂരിൽ രൂപീകരിച്ചു.
ആഗസ്റ്റ് 9- കളക്ടറേറ്റിലെ ആർ.ടി.ഒ ഓഫിസിൽ സംഘർഷമുണ്ടാക്കിയെന്ന പരാതിയിൽ ഇ-ബുൾജെറ്റ് സഹോദരങ്ങളാ. എബിനെയും ലിബിനും അറസ്റ്റിൽ.
സെപ്തംബർ 3-കണ്ണൂർ കോൺഗ്രസ് ഭവൻ ഉദ്ഘാടനം രാഹുൽ ഗാന്ധി എം.പി.
ഒക്ടോബർ 16-കണ്ണൂർ വിമാനത്താവളത്തിൽ രാജ്യാന്തര ചരക്ക് നീക്കം ആരംഭിച്ചു.
ഒക്ടോബർ 30-ടൂറിസം വകുപ്പിന്റെ ആദ്യ പഞ്ചനക്ഷത്ര ഹോട്ടലിന് മുഴപ്പിലങ്ങാട് മുഖ്യമന്ത്റി തറക്കല്ലിട്ടു.
ആ സ്ഥാനങ്ങളിലേക്ക് ഇവർ
മേയ് 20- തുടർഭരണം നേടി പിണറായി വിജയൻ വീണ്ടും മുഖ്യമന്ത്രി.
ജൂൺ 8- കെ.സുധാകരൻ കെ.പി.സി.സി പ്രസിഡന്റ്
സെപ്റ്റംബർ 5-അഡ്വ.മാർട്ടിൻ ജോർജ് കണ്ണൂർ ഡി.സി.സി പ്രസിഡന്റ്.
ഡിസംബർ 12 -എം.വി.ജയരാജൻ വീണ്ടും സി.പി.എം ജില്ലാ സെക്രട്ടറി.
13ഡിസംബർ 2-അറക്കൽ രാജവംശത്തിലെ ഹാമിദ് ഹുസൈൻ കോയമ്മ(80) ആദിരാജ.
ഒക്ടോബർ 8-കേരള അഡ്മിനിസ്‌ട്രേറ്റീവ് സർവീസ് (കെ.എ.എസ്) പരീക്ഷയിൽ തളിപ്പറമ്പ് തൃച്ചംബരത്തെ കരിങ്ങടയിൽ അഖില എസ്.ചാക്കോയ്ക്ക് ഒന്നാം റാങ്ക്.
നവംബർ 26-ഏറെ പ്രതിഷേധങ്ങൾക്കിടയിൽ കണ്ണൂർ സർവകലാശാല വി.സിയായി പ്രൊഫസർ ഗോപിനാഥ് രവീന്ദ്രന് പുനർ നിയമനം.
2021ന്റെ നഷ്ടങ്ങൾ
ജനുവരി 20 - മലയാള സിനിമയുടെ സ്വന്തം മുത്തച്ഛൻ ഉണ്ണികൃഷ്ണൻ നമ്പൂതിരി .
ഏപ്രിൽ 12- അറക്കൽ കെട്ടിലെ മഹതി ആദിരാജ ഉമ്പിച്ചി ബീബി.
ഏപ്രിൽ 23-എൻ.സി.പി സംസ്ഥാന ജനറൽ സെക്രട്ടറി കെ.കെ. രാജൻ.
ഏപ്രിൽ 28- ആദ്യകാല നക്‌സൽ നേതാവും പുൽപ്പള്ളി പൊലീസ് സ്റ്റേഷൻ അക്രമക്കേസിൽ പ്രതിചേർക്കപ്പെടുകയും ചെയ്ത പുന്നോൽ മാക്കൂട്ടം വികാസ്ഹില്ലിൽ പനക്ക പനക്കാടൻ ബാലകൃഷ്ണൻ.
ജൂലായ് 22-കണ്ണൂർ രൂപത വികാരി ജനറൽ മോൺസിഞ്ഞോർ ദേവസ്സി ഈരത്തറ.
സെപ്റ്റംബർ 4-സ്വാതന്ത്ര സമര സേനാനി മംഗലാട്ട് രാഘവൻ.
സെപ്റ്റംബർ 16- അഴീക്കോടൻ രാഘവന്റെ ഭാര്യ പള്ളിക്കുന്ന് അഴീക്കോടൻ നിവാസിൽ കെ.മീനാക്ഷി ടീച്ചർ.
സെപ്റ്റംബർ 25-മുസ്ലിം ലീഗ് സംസ്ഥാന വൈസ് പ്രസിഡന്റ് വി.കെ .അബ്ദുൾഖാദർ മൗലവി.
സെപ്റ്റംബർ 28-മുതിർന്ന ആർ.എസ്.പി നേതാവ് കെ. അബ്ദുൾ ഖാദർ.
ഒക്ടോബർ 7-സമസ്ത കേന്ദ്ര വൈസ് പ്രസിഡന്റും സമസ്ത കേരള ഇസ്ലാം മത വിദ്യാഭ്യാസ ബോർഡ് പ്രസിഡന്റുമായ പി.കെ.പി .അബ്ദുസലാം മുസ്ലിയാർ.
നവംബർ 16-പ്രശസ്ത മാപ്പിളപ്പാട്ട് ഗായകൻ പീർ മുഹമ്മദ്.
നവംബർ 29-അറയ്ക്കൽ സുൽത്താൻ ആദിരാജ മറിയം ചെറിയ ബീകുഞ്ഞി ബീവി.
ഡിസംബർ 29-ഗാനരചയിതാവും സംഗീതസംവിധായകനുമായ കൈതപ്രം വിശ്വനാഥൻ നമ്പൂതിരി.