കുന്ദമംഗലം: ജനകീയാസൂത്രണ രജത ജൂബിലി ആഘോഷത്തിന്റെ ഭാഗമായി ഇരുപത്തി അഞ്ച് വർഷകാലയളവിൽ കുന്ദമംഗലം ബ്ലോക്ക് പഞ്ചായത്തിൽ ജനപ്രതിനിധികളായവരെയും ജനകീയാസൂത്രണത്തിൽ മുഖ്യ പങ്ക് വഹിച്ച ടി.പി.ഗോവിന്ദൻ കുട്ടി, പി.രാധാകൃഷ്ണൻ എന്നിവരെയും കുന്ദമംഗലം ബ്ലോക്ക് പഞ്ചായത്ത് ഉപഹാരങ്ങൾ നൽകി ആദരിച്ചു.ബ്ലോക്ക് പഞ്ചായത്ത് പ്രസിഡന്റ് ബാബു നെല്ലൂളി ഉദ്ഘാടനം നി‌ർവഹിച്ചു. ചടങ്ങിൽ വൈസ് പ്രസിഡന്റ് മുംതസ് ഹമീദ് അദ്ധ്യക്ഷത വഹിച്ചു. ക്ഷേമകാര്യ സ്റ്റാൻഡിംഗ് കമ്മറ്റി ചെയർപേർസൺ എം.കെ.നദീറ, എം.പി.കേളുക്കുട്ടി, ഖാലിദ് കിളിമുണ്ട, ശ്രീധരൻ പടനിലം, ജനാർദ്ദനൻ കളരിക്കണ്ടി, ടി. ചക്രായുധൻ, കെ.അബ്ദുൽ ഖാദർ ,ഗോപാലകൃഷ്ണൻ ചൂലൂർ, ബ്ലോക്ക് മെമ്പർമാരായ ടി.പി.മാധവൻ, അരിയിൽ അലവി, എം.ജയപ്രകാശ്, രാജിത മൂത്തേടത്ത്, വാർഡ് മെമ്പർ പി. കൗലത്ത് എന്നിവർ പ്രസംഗിച്ചു. ബ്ലോക്ക്‌ വികസന സ്റ്റാൻഡിംഗ്‌ കമ്മറ്റി ചെയർമാൻ എൻ.അബൂബക്കർ സ്വാഗതവും ജോയന്റ് ബി.ഡി.ഒ ദീപ നന്ദിയും പറഞ്ഞു.