കോഴിക്കോട്: ജില്ലയിൽ 526 പേർക്ക് കൂടി കൊവിഡ് സ്ഥിരീകരിച്ചു. ഏഴ് പേരുടെ ഉറവിടം വ്യക്തമല്ല. അന്യ സംസ്ഥാനത്ത് നിന്നുവന്ന ഒരാൾക്കും ഒരു ആരോഗ്യ പ്രവർത്തകയ്ക്കും, സമ്പർക്കം വഴി 517പേർക്കും ആണ് രോഗം ബാധിച്ചത്. 5844 പേരെ പരിശോധനക്ക് വിധേയരാക്കി. 638 പേർ കൂടി രോഗമുക്തി നേടി. 9.16ശതമാനമാണ് ടെസ്റ്റ് പോസിറ്റിവിറ്റി നിരക്ക്. രോഗം സ്ഥിരീകരിച്ച് 6354 പേരാണ് ചികിത്സയിലുള്ളത്. പുതുതായി വന്ന 594 പേർ ഉൾപ്പടെ 17150 പേർ ഇപ്പോൾ നിരീക്ഷണത്തിലുണ്ട് 4124 മരണങ്ങളാണ് ഇതുവരെ റിപ്പോർട്ട് ചെയ്തത്.