കൽപ്പറ്റ: ജില്ലയിൽ ഇന്നലെ 105 പേർക്ക് കൂടി കൊവിഡ് സ്ഥിരീകരിച്ചു. 76 പേർ രോഗമുക്തി നേടി. ഒരു ആരോഗ്യ പ്രവർത്തക ഉൾപ്പെടെ 104 പേർക്ക് സമ്പർക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി റേറ്റ് 5.08 ആണ്. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 133850 ആയി. 131618 പേർ രോഗമുക്തരായി. നിലവിൽ 1461 പേരാണ് ചികിത്സയിലുള്ളത്. ഇവരിൽ 1345 പേർ വീടുകളിലാണ് ഐസൊലേഷനിൽ കഴിയുന്നത്. പുതുതായി നിരീക്ഷണത്തിലായ 1738 പേർ ഉൾപ്പെടെ ആകെ 11867 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 660 സാമ്പിളുകൾ ഇന്നലെ പരിശോധനയ്ക്ക് അയച്ചു.

രോഗം ബാധിച്ചവർ

മീനങ്ങാടി 13, ബത്തേരി 11, പുൽപ്പള്ളി 8, കൽപ്പറ്റ, പൂതാടി 7 വീതം, മാനന്തവാടി, നെന്മേനി 6 വീതം, മേപ്പാടി, വൈത്തിരി 5 വീതം, അമ്പലവയൽ, കണിയാമ്പറ്റ 4 വീതം, കോട്ടത്തറ, മുള്ളൻകൊല്ലി, മുട്ടിൽ, നൂൽപ്പുഴ, തിരുനെല്ലി 3 വീതം, മൂപ്പൈനാട്, പൊഴുതന, തരിയോട്, വെങ്ങപ്പള്ളി 2 വീതം, എടവക, പടിഞ്ഞാറത്തറ, പനമരം, തവിഞ്ഞാൽ, തൊണ്ടർനാട് ഓരോർത്തർക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്. ഇതിനുപുറമെ ദുബായിൽ നിന്ന് വന്ന മുള്ളൻകൊല്ലി സ്വദേശിക്കും രോഗം സ്ഥിരീകരിച്ചു.