കോഴിക്കോട്: ജില്ലയിൽ ഇന്ന് 413 പേർക്ക് കൊവിഡ് സ്ഥിരീകരിച്ചു. 6 പേരുടെ ഉറവിടം വ്യക്തമല്ല. സമ്പർക്കം വഴി 397 പേര്‍ക്കാണ് രോഗം ബാധിച്ചത്. വിദേശത്തു നിന്ന് വന്ന 2 പേർക്കും ഇതര സംസ്ഥാനങ്ങളിൽ നിന്നെത്തിയ 5 പേർക്കും 3 ആരോഗ്യ പ്രവർത്തകർക്കും രോഗം സ്ഥിരീകരിച്ചു. 5108 പേരെ പരിശോധനക്ക് വിധേയരാക്കി. ജില്ലയിൽ ചികിത്സയിലായിരുന്ന 522 പേര്‍ കൂടി രോഗമുക്തി നേടി. 8.31 ശതമാനമാണ് ടെസ്റ്റ് പോസിറ്റിവിറ്റി നിരക്ക്. രോഗം സ്ഥിരീകരിച്ച് 5919 പേരാണ് ചികിത്സയിലുള്ളത്. പുതുതായി വന്ന 2975 പേർ ഉൾപ്പടെ 19096 പേർ ഇപ്പോൾ നിരീക്ഷണത്തിലുണ്ട് . ഇതുവരെ 1185247 പേർ നിരീക്ഷണം പൂർത്തിയാക്കി. കൊവിഡ് മൂലം 4160 മരണങ്ങളാണ് ഇതുവരെ റിപ്പോർട്ട് ചെയ്യപ്പെട്ടിട്ടുള്ളത്.