​ഫറോക്ക്: ​ബേപ്പൂരിൽ ഫിഷറീസ് ഓഫീസ് കോംപ്ലക്സ് നിർമ്മാണത്തിന് 220 ലക്ഷം രൂപയുടെ ഭരണാനുമതി​ ​ലഭിച്ചതായി പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ് റിയാസ് അറിയിച്ചു.​ ​നിലവിലെ കെട്ടിടം കാലപ്പഴക്കം കാരണം ഉപയോഗിക്കാൻ പറ്റാത്ത അവസ്ഥയിലായിരുന്നു. പുതിയതായി നിർമ്മിക്കുന്ന ഓഫീസ് കോംപ്ലക്സിൽ ഫിഷറീസ് സ്റ്റേഷൻ,ഫിഷറീസ് എ.ഡി ഓഫീസ്, മത്സ്യഫെഡ് ,മത്സ്യഭവൻ, മറൈൻ എൻഫോഴ്സ്മെന്റ്, ​ റെസ്‌ക്യു, ഗാർഡ് എന്നി ഓഫീസുകൾ പ്രവർത്തിക്കുന്നതിന് സൗകര്യമൊരുക്കും. പ്രവൃത്തികൾ എത്രയും വേഗം ആരംഭിക്കുവാൻ നിർദ്ദേശം നൽകിയതായി മന്ത്രി അറിയിച്ചു. ഹാർബർ എൻജിനീയറിംഗ് വകുപ്പിനാണ് നിർമ്മാണ ചുമതല.