കോഴിക്കോട്: ജില്ലയിൽ കൊവിഡ് രോഗികളുടെ എണ്ണം ഇന്നലെ 315 ആയി കുറഞ്ഞു. അടുത്ത കാലത്തായി ഏറ്റവും കുറഞ്ഞ രോഗികളുടെ എണ്ണമായിരുന്നു ഇന്നലെ. 3 പേരുടെ ഉറവിടം വ്യക്തമല്ല. സമ്പർക്കം വഴി 308 പേർക്കാണ് രോഗം ബാധിച്ചത്. വിദേശത്തു നിന്ന് വന്ന ഒരാൾക്കും ഇതര സംസ്ഥാനങ്ങളിൽ നിന്നെത്തിയ ഒരാൾക്കും 2 ആരോഗ്യ പ്രവർത്തകർക്കും രോഗം സ്ഥിരീകരിച്ചു. 4764 പേരെ പരിശോധനക്ക് വിധേയരാക്കി. ചികിത്സയിലായിരുന്ന 824 പേർ കൂടി രോഗമുക്തി നേടി. 6.81 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 4162 കൊവിഡ് മരണങ്ങളാണ് ഇതുവരെ ജില്ലയിൽ റിപ്പോർട്ട് ചെയ്തിട്ടുള്ളത്.