കോഴിക്കോട്: ജില്ലയിൽ 319 പേർക്ക് കൊവിഡ് സ്ഥിരീകരിച്ചു. അഞ്ച് പേരുടെ ഉറവിടം വ്യക്തമല്ല. സമ്പർക്കം വഴി 313 പേർക്കാണ് രോഗം ബാധിച്ചത്. അന്യസംസ്ഥാനങ്ങളിൽ നിന്നെത്തിയ ഒരാൾക്കും രോഗം സ്ഥിരീകരിച്ചു. 6058 പേരെ പരിശോധനക്ക് വിധേയരാക്കി. 513 പേർ കൂടി രോഗമുക്തി നേടി. 5.38 ശതമാനമാണ് ടെസ്റ്റ് പോസിറ്റിവിറ്റി നിരക്ക്. രോഗം സ്ഥിരീകരിച്ച് 5230 പേരാണ് ചികിത്സയിലുള്ളത്. പുതുതായി വന്ന 394 പേർ ഉൾപ്പടെ 16683 പേർ ഇപ്പോൾ നിരീക്ഷണത്തിലുണ്ട് . 4162 മരണങ്ങളാണ് റിപ്പോർട്ട് ചെയ്തത്.