കൽപ്പറ്റ: ജില്ലയിൽ ഇന്നലെ 132 പേർക്ക് കൂടി കൊവിഡ് സ്ഥിരീകരിച്ചു. 125 പേർ രോഗമുക്തി നേടി. 131 പേർക്ക് സമ്പർക്കത്തി ലൂടെയാണ് രോഗബാധ. ഇതര സംസ്ഥാനത്ത് നിന്ന് എത്തിയ ഒരാൾക്കും രോഗം സ്ഥിരീകരിച്ചു. ജില്ലയിലെ ടെസ്റ്റ് പോസിറ്റിവിറ്റി റേറ്റ് 6.30 ആണ്. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 134324 ആയി. 132456 പേർ രോഗമുക്തരായി. നിലവിൽ 1071 പേരാണ് ചികിത്സയിലുള്ളത്. ഇവരിൽ 1000 പേർ വീടുകളിലാണ് ഐസൊലേഷനിൽ കഴിയുന്നത്. പുതുതായി നിരീക്ഷണത്തിലായ 342 പേർ ഉൾപ്പെടെ ആകെ 10109 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 957 സാമ്പിളുകൾ ഇന്നലെ പരിശോധനയ്ക്ക് അയച്ചു.

രോഗം ബാധിച്ചവർ

മേപ്പാടി 14, പുൽപ്പള്ളി, ബത്തേരി 11 വീതം, അമ്പലവയൽ, മുട്ടിൽ 9 വീതം, മാനന്തവാടി, തിരുനെല്ലി 8 വീതം, കൽപ്പറ്റ 7, എടവക, മുള്ളൻകൊല്ലി, നെന്മേനി 6 വീതം, കണിയാമ്പറ്റ, പനമരം, വെള്ളമുണ്ട 5 വീതം, വൈത്തിരി 4, മീനങ്ങാടി, മൂപ്പൈനാട്, പൂതാടി, തരിയോട് 3 വീതം, തവിഞ്ഞാൽ 2, കോട്ടത്തറ, നൂൽപ്പുഴ, വെങ്ങപ്പള്ളി ഒരോർത്തർക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്.