കൽപ്പറ്റ: ജില്ലയിൽ ഇന്നലെ 102 പേർക്ക് കൂടി കൊവിഡ് സ്ഥിരീകരിച്ചു. 159 പേർ രോഗമുക്തി നേടി. എല്ലാവർക്കും സമ്പർക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി റേറ്റ് 7.23 ആണ്. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 134595 ആയി.132800 പേർ രോഗമുക്തരായി. നിലവിൽ 1030 പേരാണ് ചികിത്സയിലുള്ളത്. ഇവരിൽ 968 പേർ വീടുകളിലാണ് ഐസൊലേഷനിൽ കഴിയുന്നത്. പുതുതായി നിരീക്ഷണത്തിലായ 675 പേർ ഉൾപ്പെടെ ആകെ 9710 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 1008 സാമ്പിളുകൾ ഇന്നലെ പരിശോധനയ്ക്ക് അയച്ചു.

രോഗം ബാധി​ച്ചവർ

പുൽപ്പള്ളി 10, മാനന്തവാടി, ബത്തേരി 8 വീതം, പനമരം, പൂതാടി, വെള്ളമുണ്ട, വൈത്തിരി 7 വീതം, കൽപ്പറ്റ 5, എടവക, കണിയാമ്പറ്റ, മുള്ളൻകൊല്ലി, മുട്ടിൽ, നെന്മേനി 4 വീതം, മീനങ്ങാടി, മേപ്പാടി, പൊഴുതന, തവിഞ്ഞാൽ, തിരുനെല്ലി, തൊണ്ടർനാട് 3 വീതം, കോട്ടത്തറ, നൂൽപ്പുഴ 2 വീതം, പടിഞ്ഞാറത്തറ ഒരാൾക്കുമാണ് രോഗം സ്ഥിരീകരിച്ചത്.