കോഴിക്കോട്: ജില്ലയിൽ 259 പേർക്ക് കൂടി കൊവിഡ് സ്ഥിരീകരിച്ചു. രണ്ട് പേരുടെ ഉറവിടം വ്യക്തമല്ല. സമ്പർക്കം വഴി 257 പേർക്കും രോഗം സ്ഥിരീകരിച്ചു. 4361 പേരെ പരിശോധനക്ക് വിധേയരാക്കി. 531 പേർ കൂടി രോഗമുക്തി നേടി. 6.09 ശതമാനമാണ് ടെസ്റ്റ് പോസിറ്റിവിറ്റി നിരക്ക്. പുതുതായി വന്ന 244 പേർ ഉൾപ്പടെ 15533 പേർ ഇപ്പോൾ നിരീക്ഷണത്തിലുണ്ട്. ഇതുവരെ 11,93,831 പേർ നിരീക്ഷണം പൂർത്തിയാക്കി. 4210 മരണങ്ങളാണ് ഇതുവരെ റിപ്പോർട്ട് ചെയ്തിട്ടുള്ളത്.