കൽപ്പറ്റ: ജില്ലയിൽ ഇന്നലെ 87 പേർക്ക് കൂടി കൊവിഡ് സ്ഥിരീകരിച്ചു. 83 പേർ രോഗമുക്തി നേടി. രണ്ട് ആരോഗ്യ പ്രവർത്തകർ ഉൾപ്പെടെ എല്ലാവർക്കും സമ്പർക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി റേറ്റ് 5.74 ആണ്. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 134903 ആയി. 133254 പേർ രോഗമുക്തരായി. നിലവിൽ 875 പേരാണ് ചികിത്സയിലുള്ളത്. ഇവരിൽ 801 പേർ വീടുകളിലാണ് ഐസൊലേഷനിൽ കഴിയുന്നത്. പുതുതായി നിരീക്ഷണത്തിലായ 531 പേർ ഉൾപ്പെടെ ആകെ 8768 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 780 സാമ്പിളുകൾ ഇന്നലെ പരിശോധനയ്ക്ക് അയച്ചു.

രോഗം ബാധിച്ചവർ

മുള്ളൻകൊല്ലി 14, പുൽപ്പള്ളി 13, മാനന്തവാടി 10, പൂതാടി 9, ബത്തേരി 8, മേപ്പാടി 5, കൽപ്പറ്റ, പനമരം 4 വീതം, നെന്മേനി, നൂൽപ്പുഴ 3 വീതം, കോട്ടത്തറ, മീനങ്ങാടി, മുട്ടിൽ, പടിഞ്ഞാറത്തറ 2 വീതം, എടവക, മൂപ്പൈനാട്, തവിഞ്ഞാൽ, തിരുനെല്ലി, തൊണ്ടർനാട്, വെങ്ങപ്പള്ളി ഓരോരുത്തർക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്.