കൽപ്പറ്റ: ജില്ലയിൽ ഇന്നലെ 78 പേർക്ക് കൂടി കൊവിഡ് സ്ഥിരീകരിച്ചു. 119 പേർ രോഗമുക്തി നേടി. മൂന്ന് ആരോഗ്യ പ്രവർത്തകർ ഉൾപ്പെടെ 77 പേർക്ക് സമ്പർക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി റേറ്റ് 6.01 ആണ്. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 134981 ആയി. 133373 പേർ രോഗമുക്തരായി. നിലവിൽ 843 പേരാണ് ചികിത്സയിലുള്ളത്. ഇവരിൽ 780 പേർ വീടുകളിലാണ് ഐസൊലേഷനിൽ കഴിയുന്നത്. പുതുതായി നിരീക്ഷണത്തിലായ 880 പേർ ഉൾപ്പെടെ ആകെ 8832 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 594 സാമ്പിളുകൾ ഇന്നലെ പരിശോധനയ്ക്ക് അയച്ചു.

രോഗം ബാധിച്ചവർ

ബത്തേരി 15, മാനന്തവാടി 11, മുള്ളൻകൊല്ലി, പുൽപ്പള്ളി 6 വീതം, പനമരം 5, തിരുനെല്ലി 4, കൽപ്പറ്റ, നൂൽപ്പുഴ, തവിഞ്ഞാൽ 3 വീതം, അമ്പലവയൽ, കോട്ടത്തറ, മീനങ്ങാടി, മേപ്പാടി, നെന്മേനി, പൂതാടി, തരിയോട് 2 വീതം, എടവക, കണിയാമ്പറ്റ, മുട്ടിൽ, പൊഴുതന, വെള്ളമുണ്ട, വെങ്ങപ്പള്ളി, വൈത്തിരി ഒരോരുത്തർക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്. ഇതിനുപുറമെ മുംബൈയിൽ നിന്ന് വന്ന ബത്തേരി സ്വദേശിക്കും രോഗം സ്ഥിരീകരിച്ചു .