കൽപ്പറ്റ: ജില്ലയിൽ ഇന്നലെ 57 പേർക്ക് കൂടി കൊവിഡ് സ്ഥിരീകരിച്ചു. 39 പേർ രോഗമുക്തി നേടി. മൂന്ന് ആരോഗ്യ പ്രവർത്തകർ ഉൾപ്പെടെ 56 പേർക്ക് സമ്പർക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി റേറ്റ് 3.29 ആണ്. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 135038 ആയി. 133412 പേർ രോഗമുക്തരായി. നിലവിൽ 878 പേരാണ് ചികിത്സയിലുള്ളത്. ഇവരിൽ 817 പേർ വീടുകളിലാണ് ഐസൊലേഷനിൽ കഴിയുന്നത്. പുതുതായി നിരീക്ഷണത്തിലായ 838 പേർ ഉൾപ്പെടെ ആകെ 8982 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 654 സാമ്പിളുകൾ ഇന്നലെ പരിശോധനയ്ക്ക് അയച്ചു.

രോഗം ബാധിച്ചവർ

മാനന്തവാടി 10, ബത്തേരി 7, കൽപ്പറ്റ, മേപ്പാടി 6 വീതം, മീനങ്ങാടി, കണിയാമ്പറ്റ, തവിഞ്ഞാൽ 4 വീതം, മുള്ളൻകൊല്ലി, നൂൽപ്പുഴ 3 വീതം, എടവക, മുട്ടിൽ, പുൽപ്പള്ളി 2 വീതം, പനമരം, തിരുനെല്ലി, തൊണ്ടർനാട് ഓരോരുത്തർക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്. ഇതിനു പുറമെ ലക്നൗവിൽ നിന്ന് വന്ന വൈത്തിരി സ്വദേശിക്കും രോഗം സ്ഥിരീകരിച്ചു.