കൽപ്പറ്റ: ജില്ലയിൽ ഇന്നലെ 28 പേർക്ക് കൂടി കൊവിഡ് സ്ഥിരീകരിച്ചു. 80 പേർ രോഗമുക്തി നേടി. എല്ലാവർക്കും സമ്പർക്കത്തിലൂടെയാണ് രോഗബാധ. ടെസ്റ്റ് പോസിറ്റിവിറ്റി റേറ്റ് 2.22 ആണ്. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 135173 ആയി. 133716 പേർ രോഗമുക്തരായി. നിലവിൽ 738 പേരാണ് ചികിത്സയിലുള്ളത്. ഇവരിൽ 690 പേർ വീടുകളിലാണ് ഐസൊലേഷനിൽ കഴിയുന്നത്. പുതുതായി നിരീക്ഷണത്തിലായ 771 പേർ ഉൾപ്പെടെ ആകെ 9493 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 565 സാമ്പിളുകൾ ഇന്നലെ പരിശോധനയ്ക്ക് അയച്ചു.

രോഗം ബാധിച്ചവർ
മുള്ളൻകൊല്ലി 6, കൽപ്പറ്റ, മേപ്പാടി 3 വീതം, പുൽപ്പള്ളി, മീനങ്ങാടി, തൊണ്ടർനാട് 2 വീതം, അമ്പലവയൽ, കണിയാമ്പറ്റ, നെന്മേനി, നൂൽപ്പുഴ, പടിഞ്ഞാറത്തറ, പൂതാടി, ബത്തേരി, തവിഞ്ഞാൽ, തിരുനെല്ലി, വൈത്തിരി ഓരോരുത്തർക്കുമാണ് രോഗം സ്ഥിരീകരിച്ചത്.