കൽപ്പറ്റ: ജില്ലയിൽ ഇന്നലെ 67 പേർക്ക് കൂടി കൊവിഡ് സ്ഥിരീകരിച്ചു. 64 പേർ രോഗമുക്തി നേടി. 64 പേർക്ക് സമ്പർക്കത്തിലൂടെയാണ് രോഗബാധ. ഒരു ആരോഗ്യപ്രവർത്തകനും രോഗം സ്ഥിരീകരിച്ചു. ജില്ലയിലെ ടെസ്റ്റ് പോസിറ്റിവിറ്റി റേറ്റ് 3.31 ആണ്. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 135399 ആയി. 133954 പേർ രോഗമുക്തരായി. നിലവിൽ 675 പേരാണ് ചികിത്സയിലുള്ളത്. ഇവരിൽ 617 പേർ വീടുകളിലാണ് ഐസൊലേഷനിൽ കഴിയുന്നത്. പുതുതായി നിരീക്ഷണത്തിലായ 690 പേർ ഉൾപ്പെടെ ആകെ 7572 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 1254 സാമ്പിളുകളാണ് ഇന്നലെ പരിശോധനയ്ക്ക് അയച്ചത്.

രോഗം ബാധിച്ചവർ

ബത്തേരി 11, പുൽപ്പള്ളി 7, മാനന്തവാടി, മീനങ്ങാടി, മുള്ളൻകൊല്ലി 6 വീതം, മുട്ടിൽ, നെന്മേനി, വൈത്തിരി 4 വീതം, കൽപ്പറ്റ, മേപ്പാടി, പനമരം 3 വീതം, കോട്ടത്തറ 2, അമ്പലവയൽ, നൂൽപ്പുഴ, തവിഞ്ഞാൽ, തിരുനെല്ലി, വെള്ളമുണ്ട ഒരോർത്തർക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്.

ഇതിനുപുറമെ തമിഴ്നാട്ടിൽ നിന്ന് വന്ന കൽപ്പറ്റ സ്വദേശിക്കും, ബാംഗ്ലൂരിൽ നിന്ന് വന്ന വെള്ളമുണ്ട, മീനങ്ങാടി സ്വദേശികൾക്കും രോഗം സ്ഥിരീകരിച്ചു.