വൈക്കം : കൊവിഡ് ലോക്ക് ഡൗണിനെ തുടർന്ന് നിറുത്തിവച്ച നേരേകടവ്, ചെമ്മനാകരി എന്നിവിടങ്ങളിലേക്കുള്ള കെ.എസ്.ആർ.ടി.സി ബസ് സർവീസുകൾ പുന:രാരംഭിക്കണമെന്ന് എ.ഐ.വൈ.എഫ് ഉദയനാപുരം മേഖലാ കമ്മി​റ്റി ആവശ്യപ്പെട്ടു. നിരവധി സ്വകാര്യ ബസുകളും ഒരു കെ.എസ്.ആർ.ടി.സി ബസും സർവീസ് നടത്തിയിരുന്ന ഇവിടേക്ക് ചുരുക്കം ചില സ്വകാര്യ ബസുകൾ മാത്രമാണ് സർവീസ് നടത്തുന്നത്. സ്‌കൂളുകളും കോളേജുകളും തുറന്നതോടെ യാത്രക്കാരുടെ എണ്ണം വർദ്ധിച്ചെങ്കിലും ബസുകളുടെ എണ്ണം കുറഞ്ഞത് യാത്രാക്ലേശം രൂക്ഷമാക്കിയിരിക്കുകയാണ്. ഈ സാഹചര്യത്തിൽ ചെമ്മനാകരി, നേരേകടവ് ഭാഗത്തേക്കുള്ള കെ.എസ്.ആർ.ടി.സി ബസ് സർവീസുകൾ എത്രയും വേഗം പുന:രാരംഭിക്കണമെന്ന് യോഗം ആവശ്യപ്പെട്ടു. മണ്ഡലം പ്രസിഡന്റ് പി.എസ്.അർജുൻ, സ്‌നേഹലക്ഷ്മി, അദീൻകുമാർ, ബിലിൻ, അബിൻ, ജിഷ്ണു, സൗമ്യ, അഭിരാമി എന്നിവർ പ്രസംഗിച്ചു.