കോട്ടയം : ജില്ലയിൽ 532 പേർക്ക് കൂടി കൊവിഡ് സ്ഥിരീകരിച്ചു. 518 പേർക്കും സമ്പർക്കം മുഖേനയാണ് വൈറസ് ബാധിച്ചത്. ഇതിൽ ആറ് ആരോഗ്യപ്രവർത്തകരുമുൾപ്പെടുന്നു. സംസ്ഥാനത്തിന് പുറത്തുനിന്നെത്തിയ 14 പേർ രോഗബാധിതരായി. 277 പേർ രോഗമുക്തരായി. 5167 പരിശോധനാഫലങ്ങളാണു ലഭിച്ചത്. രോഗം ബാധിച്ചവരിൽ 245 പുരുഷൻമാരും 224 സ്ത്രീകളും 63 കുട്ടികളും ഉൾപ്പെടുന്നു. 60 വയസിനു മുകളിലുള്ള 88 പേർക്ക് കൊവിഡ് സ്ഥിരീകരിച്ചിട്ടുണ്ട്. നിലവിൽ 3745 പേരാണ് ചികിത്സയിലുള്ളത്. ഇതുവരെ ആകെ 337667 പേർ കൊവിഡ് ബാധിതരായി. 330543 പേർ രോഗമുക്തി നേടി. 21193 പേർ ക്വാറന്റൈനിൽ കഴിയുന്നുണ്ട്. കോട്ടയം നഗരസഭാ പരിധിയിലാണ് രോഗബാധ കൂടുതൽ 61പേർ.