പാലാ : പത്ത് വയസിൽ താഴെ പ്രായമുള്ള മുഴുവൻ പെൺകുട്ടികളെയും സുകന്യസമൃദ്ധി പദ്ധതിയിൽ ചേർക്കുന്നതിന്റെ ഭാഗമായി ഇന്ന് മുതൽ 31 വരെ പാലാ ഹെഡ് പോസ്റ്റ് ഓഫീസിൽ മേള നടത്തും. പെൺകുട്ടികളുടെ വിവാഹ വിദ്യാഭ്യാസ ആവശ്യത്തിനുള്ള ആകർഷകമായ സർക്കാർ പദ്ധതിയാണ് സുകന്യ സമൃദ്ധി. ഒരു കുടുംബത്തിലെ 2 പെൺകുട്ടികൾക്ക് പദ്ധതിയിൽ ചേരാം. വിവാഹ സമയത്ത് ഉയർന്ന പലിശ സഹിതം മുഴുവൻ പണവും പിൻവലിക്കാം. പെൺകുട്ടിയുടെ ജനന സർട്ടിഫിക്കറ്റിന്റെ കോപ്പി രക്ഷകർത്താവിന്റെ 2 ഫോട്ടോ ആധാർ കാർഡ് കോപ്പി, 250 രുപ എന്നിവ കൊണ്ടുവരണം. തുടർ തവണകൾ 50 രൂപ മുതലുള്ള ചെറിയ തുകകളായും അടക്കാം . കൂട്ടുപലിശ സഹിതം തിരികെ ലഭിക്കുന്ന പണത്തിന് യാതൊരു വിധ നികുതിയും . ഉണ്ടായിരിക്കുന്നതല്ല. നിക്ഷേപത്തിന് ആദായനികുതി ഇളവും ലഭിക്കും. ഫോൺ:04822 212239.