ഞാറയ്ക്കൽ : എസ്.എൻ.ഡി.പി യോഗം 1306ാം നമ്പർ വിജയപുരം ശാഖയുടെ ആഭിമുഖ്യത്തിൽ ഞാറയ്ക്കൽ ശ്രീനാരായണ നഗറിൽ 18ാമത് ശ്രീനാരായണ ദർശനോത്സവം ഇന്ന് മുതൽ മൂന്നു ദിവസങ്ങളിലായി നടക്കും. വൈകിട്ട് 7ന് യൂണിയൻ സെക്രട്ടറി ആർ.രാജീവ് ഉദ്ഘാടനം ചെയ്യും. യൂത്ത്മൂവ്‌മെന്റ് യൂണിയൻ ജോയിന്റ് സെക്രട്ടറി കെ.എസ്.ബിബിൻഷാൻ പ്രഭാഷണം നടത്തും. ശാഖാ പ്രസിഡന്റ് അനൂപ് സോമൻ അദ്ധ്യക്ഷത വഹിക്കും. യോഗം ഡയറക്ടർ ബോർഡ് മെമ്പർ അഡ്വ.ശാന്താറാം റോയി തോളൂർ, നിയുക്ത യൂണിയൻ കമ്മിറ്റി മെമ്പർ വി.എസ്.വിനോദ്, ശാഖാ സെക്രട്ടറി ഷിനുമോൻ വി.എസ്., വൈസ് പ്രസിഡന്റ് ബിനു പി.മണി എന്നിവർ പ്രസംഗിക്കും. തുടർന്ന് അന്നദാനം. നാളെ വൈകിട്ട് 7 ന് ശ്രീനാരായണ ദർശന പഠനകേന്ദ്രം കോട്ടയം യൂണിയനിലെ ദിനു സന്തോഷ് പ്രഭാഷണം നടത്തും.ശാഖാ വൈസ് ബിനു പി.മണി അദ്ധ്യക്ഷത വഹിക്കും. വനിതാസംഘം സെക്രട്ടറി വിജയമ്മ തമ്പി, യൂത്ത്മൂവ്‌മെന്റ് സെക്രട്ടറി സി.എസ്.ശ്രീക്കുട്ടൻ എന്നിവർ പ്രസംഗിക്കും. തുടർന്ന് അന്നദാനം.
10 ന് വൈകിട്ട് 7 ന് കാഞ്ഞിരമറ്റം സ്‌കൂൾ ഒഫ് വേദാന്തയിലെ മാതാ സ്വാമിനി നിത്യ ചിന്മയി പ്രഭാഷണം നടത്തും.യൂണിയൻ കമ്മിറ്റി മെമ്പർ കെ.സി.സോമൻ അദ്ധ്യക്ഷത വഹിക്കും. വനിതാസംഘം പ്രസിഡന്റ് ബിന്ദു മോഹൻ, യൂത്ത്മൂവ്‌മെന്റ് പ്രസിഡന്റ് അനന്തു പുഷ്‌കരൻ എന്നിവർ പ്രസംഗിക്കും. തുടർന്ന് അന്നദാനം.