വൈക്കം: എസ്.എൻ.ഡി.പി.യോഗം ജനറൽ സെക്രട്ടറി വെള്ളാപ്പള്ളി നടേശന്റെ രജത ജൂബിലി, ശതാഭിഷേക ആഘോഷങ്ങളുടെ ഭാഗമായി വൈക്കം യൂണിയനും ആശ്രമം സ്‌ക്കൂളും ചേർന്ന് നാല് പേർക്ക് വീട് നിർമ്മിച്ച് നൽകും. ആകെ 30 ലക്ഷം രൂപയാണ് ചെലവ്. മൂന്നു മാസത്തിനകം നിർമ്മാണം പൂർത്തിയാക്കി താക്കോൽ കൈമാറും. 550ാം തുരുത്തുമ്മ ശാഖയിൽപെട്ട നോയമ്പാട്ടിൽ പടവിൽ ലീലയ്ക്കാണ് ആദ്യ വീട് നൽകുന്നത്. ഇതിന്റെ ശിലാസ്ഥാപനം യൂണിയൻ പ്രസിഡന്റും സ്‌കൂൾ മാനേജരുമായ പി. വി. ബിനേഷ് നിർവഹിച്ചു. യൂണിയൻ സെക്രട്ടറി എം. പി. സെൻ, കൗൺസിലർമാരായ സെൻ സുഗുണൻ, എം. പി. ബിജു, ആശ്രമം സ്‌കൂൾ പ്രിൻസിപ്പൽ എ.ജ്യോതി, പ്രഥമ അദ്ധ്യാപിക പി. ആർ. ബിജി, എൽ.പി വിഭാഗം ഹെഡ് മാസ്​റ്റർ പി.ടി.ജിനീഷ്, പ്രോഗ്രാം ഓഫീസർമാരായ മഞ്ജു എസ്.നായർ, ഇ.പി.ബീന, എസ്.പി.സി.സി.പി.ഒ ആർ. ജെഫിൻ, അദ്ധ്യാപക പ്രതിനിധി സി. എസ്. ജിജി, എസ്. ജയൻ, ശാഖ പ്രസിഡന്റ് അനൂപ്, സെക്രട്ടറി രാമചന്ദ്രൻ എന്നിവർ പങ്കെടുത്തു.