മുണ്ടക്കയം: ഡെ​ലി​വ​റി ബോ​യ് ച​മ​ഞ്ഞ് വീ​ട്ടിലെത്തിയ മോഷ്ടാവ് യു​വ​തി​യെ അ​ടി​ച്ചു​വീ​ഴ്ത്തി മാ​ല ക​വ​ർ​ന്നു. ആ​ല​മ്പ​ര​പ്പ് കൊ​ച്ചു​മാ​ട​ശേ​രി അ​ജി​ത്തി​ന്‍റെ ഭാ​ര്യ ഊ​ർ​മി​ളയാണ് (23) ആ​ക്ര​മ​ണ​ത്തി​നി​ര​യാ​യ​ത്. പ​രി​ക്കേ​റ്റ ഇവർ ആ​ശു​പ​ത്രി​യി​ൽ ചികിൽസ തേടി. അതേസമയം നഷ്ടപ്പെട്ട മാല മുക്കുപണ്ടമായിരുന്നെന്ന് യുവതി പറഞ്ഞു.
കാ​ഞ്ഞി​ര​പ്പ​ള്ളി​ക്ക് സ​മീ​പം കൂ​വ​പ്പ​ള്ളി​യി​ൽ ഇ​ന്നലെ രാ​വി​ലെ 11 ഓ​ടെ​യാ​ണ് സം​ഭ​വ​ം. യു​വ​തി​യും രണ്ട് ചെറിയ കു​ട്ടി​ക​ളു​മാ​ണ് വീ​ട്ടി​ലു​ണ്ടാ​യി​രു​ന്ന​ത്. ഫ്ലി​പ്കാ​ർ​ട്ടി​ൽ നി​ന്ന് ഡെ​ലി​വ​റി​യു​മാ​യി എ​ത്തി​യ​യാ​ൾ എ​ന്ന വ്യാ​ജേ​ന​ തോളിൽ ബാഗും തൂക്കിയാ​ണ് ക​ള്ള​നെ​ത്തി​യ​ത്. ഫ്ലി​പ്കാ​ർ​ട്ടി​ൽ സാ​ധ​നം ഓ​ർ​ഡ​ർ ചെ​യ്തി​രു​ന്ന​തി​നാൽ യു​വ​തി​ക്ക് സം​ശ​യം തോ​ന്നി​യി​ല്ല. പൊടുന്നനെ ഇയാൾ മാ​ല പൊ​ട്ടി​ക്കാ​ൻ ശ്ര​മി​ച്ച​ു. യു​വ​തി​ തടഞ്ഞതോടെ മു​ഖ​ത്തി​ടി​ച്ച് വീ​ഴ്ത്തി​യ ശേ​ഷം മാ​ലയുമായി മോ​ഷ്ടാ​വ് റോഡിൽ കാത്തു നിന്നയാളുടെ ബൈക്കിൽ കയറി ര​ക്ഷ​പ്പെ​ടു​ക​യാ​യി​രു​ന്നു. മാ​സ്കും ഫേ​സ് ഷീ​ൽ​ഡും ധ​രി​ച്ചിരുന്നതിനാൽ ക​ള്ള​ന്‍റെ മു​ഖം വ്യ​ക്ത​മാ​യില്ലെന്ന്
യു​വ​തി പ​റ​ഞ്ഞു. സം​ഭ​വ​ത്തി​ൽ കാ​ഞ്ഞി​ര​പ്പ​ള്ളി പൊ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി.