കോട്ടയം: മീനച്ചിലാർ- മീനന്തറയാർ - കൊടുരാർ പുനർ സംയോജന പദ്ധതിയുടെ ഭാഗമായി നടപ്പാക്കുന്ന തരിശുനില കൃഷിക്കായി ഗാന്ധിനഗർ മുടിയൂർക്കര പുഞ്ചയിൽ വിത്തെറിഞ്ഞു. നൂറേക്കറിലേറെ വിസ്തീർണമുള്ള തരിശുനിലങ്ങളിലെ കൃഷിക്കായി മുടിയൂർക്കര തോട് തെളിച്ചെടുത്തു. വിതമഹോത്സവം നദീ പുനർ സംയോജന പദ്ധതി കോ-ഒാർഡിനേറ്റർ അഡ്വ. കെ. അനിൽകുമാർ ഉദ്ഘാടനം ചെയ്തു. പാടശേഖരസമിതി പ്രസിഡന്റ് അജീഷ് ഐസക്ക് അദ്ധ്യക്ഷനായി. നഗരസഭാ കൗൺസിലർ സാബു മാത്യു, വി.ആർ പ്രസാദ്, കുസുമാലയം ബാലകൃഷ്ണൻ, ഷോബി ലൂക്കോസ്, കെ.ജെ സുനിൽ ദേവ്, ബി.ശശികുമാർ, അഡ്വ.അനിൽ അക്കര, കെ.ജെ. ജയകുമാർ, വിശ്വംഭരൻ, മാത്യു സ്റ്റീഫൻ, സെൽവിൻ മാത്യു എന്നിവർ സംസാരിച്ചു.