കോട്ടയം: രണ്ടു രാഷ്ട്രീയ കൊലപാതകങ്ങൾ ആലപ്പുഴയിൽ നടന്നത് അപലപനീയവും ദു:ഖകരവുമാണന്ന് കേരളാ കോൺഗ്രസ് ചെയർമാൻ പി.ജെ ജോസഫ് പറഞ്ഞു. കോട്ടയത്ത് നടന്ന കേരളാ കോൺഗ്രസ് നേതൃയോഗത്തിൽ അദ്ധ്യക്ഷത വഹിക്കുകയായിരുന്നു അദ്ദേഹം. കുറ്റവാളികളെയും പിന്നിൽ പ്രവർത്തിച്ചവരെയും പിടികൂടാൻ നടപടി ഉണ്ടാകണം. സമാധാനാന്തരീക്ഷത്തിന് ഭീഷണിയാണ് ഇതുപോലുള്ള കൊലപാതകങ്ങൾ. ഇതിനെ അടിച്ചമർത്തണം. പി.സി തോമസ് ,​മോൻസ് ജോസഫ് , ജോയി ഏബ്രഹാം ,​കെ.ഫ്രാൻസിസ് ജോർജ് ,​ജോണി നെല്ലൂർ. വക്കച്ചൻ മറ്റത്തിൽ ,​ മാത്യു സ്റ്റീഫൻ ,​ എം.പി.പോളി, ഇ.ജെ.അഗസ്തി, സജി മഞ്ഞക്കടമ്പിൽ, അറക്കൽ ബാലകൃഷ്ണപിള്ള, കൊട്ടാരക്കര പൊന്നച്ചൻ എന്നിവർ പ്രസംഗിച്ചു.