കോട്ടയം: ജില്ലയിൽ 177 പേർക്ക് കൂടി കൊവിഡ് സ്ഥിരീകരിച്ചു. എല്ലാവർക്കും സമ്പർക്കം മുഖേനയാണ് വൈറസ് ബാധിച്ചത്. ഇതിൽ ഒരു ആരോഗ്യ പ്രവർത്തകനുമുൾപ്പെടുന്നു. 422 പേർ രോഗമുക്തരായി. 2485 പരിശോധനാഫലങ്ങളാണു ലഭിച്ചത്. രോഗം ബാധിച്ചവരിൽ 69 പുരുഷൻമാരും 85 സ്ത്രീകളും 23 കുട്ടികളും ഉൾപ്പെടുന്നു. 60 വയസിനു മുകളിലുള്ള 37 പേർക്ക് കൊവിഡ് സ്ഥിരീകരിച്ചിട്ടുണ്ട്. നിലവിൽ 2808 പേരാണ് ചികിത്സയിലുള്ളത്. ഇതുവരെ ആകെ 342882 പേർ കൊവിഡ് ബാധിതരായി. 336165 പേർ രോഗമുക്തി നേടി. ജില്ലയിൽ ആകെ 19846 പേർ ക്വാറന്റൈനിൽ കഴിയുന്നുണ്ട്. കഴിഞ്ഞ ദിവസം 2700 പേരെ പരിശോധിച്ചതിൽ 232 പേർക്കായിരുന്നു കൊവിഡ് ബാധ.