കടനാട്: എം.എൽ.എ ഫണ്ടിൽ നിന്നും അനുവദിച്ച തുക ഉപയോഗിച്ചു സ്ഥാപിച്ച കടനാട് കാവുംകണ്ടം ട്രാൻസ്‌ഫോമർ മാണി.സി കാപ്പൻ എം.എൽ.എ ഉദ്ഘാടനം ചെയ്തു.ഇരുനൂറിലധികം വീടുകൾ, ദൈവാലയം, പഞ്ചായത്ത്, മന്ദിരം സ്‌കൂൾ, ടൗൺ എന്നിവിടങ്ങളിലെ രൂക്ഷമായ വോൾട്ടേജ് ക്ഷാമത്തിന് ഇതോടെ പരിഹാരമായി. മാണി സി കാപ്പൻ എം.എൽ.എ ഫണ്ടിൽനിന്നും 5 ലക്ഷം രുപ മുടക്കിയാണ് ട്രാൻസ്‌ഫോമർ സ്ഥാപിച്ചത്. പഞ്ചായത്ത് പ്രസിഡന്റ് ഉഷ രാജു അദ്ധ്യക്ഷത വഹിച്ചു. ഫാ. അഗസ്റ്റിൽ അരഞ്ഞാണിപുത്തൻപുര, ജോർജ് നരിക്കാട്ട്, സിബി അഴകൻപറമ്പിൽ, റ്റോമി അരീപറമ്പ് ,ജോണി അഴകൻപറമ്പിൽ എന്നിവർ പ്രസംഗിച്ചു.