വൈക്കം : എയ്ഡഡ് വിദ്യാഭ്യാസ മേഖലയിൽ പട്ടികജാതി സംവരണം ഏർപ്പെടുത്തണമെന്ന് കെ പി എം എസ് സംസ്ഥാന ജനറൽ സെക്രട്ടറി പി എം വിനോദ് ആവശ്യപ്പെട്ടു. വൈക്കം യൂണിയന്റെയും സംസ്ഥാന കമ്മ​റ്റിയുടെയും നേതൃത്വത്തിൽ നടത്തിയ ഉത്തരമേഖലാ സമര പ്രഖ്യാപന കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം. എയ്ഡഡ് മേഖലയിൽ സംവരണം വേണമെന്ന് ആവശ്യപ്പെട്ടുകൊണ്ട് 22 ഫെബ്രുവരി 8 ന് സെക്രട്ടറിയേ​റ്റിലേക്ക് നടത്തുന്ന മാർച്ചിന് മുന്നോടിയായാണ് കൺവെൻഷൻ സംഘടിപ്പിച്ചത്. രണ്ടുലക്ഷം പേരെ പങ്കെടുപ്പിക്കാനും കൺവെൻഷൻ തീരുമാനിച്ചു. സംസ്ഥാന വൈസ് പ്രസിഡന്റ് എസ് ചന്ദ്രൻ അദ്ധ്യക്ഷത വഹിച്ചു. ടി.കെ.പുരുഷൻ, സി.രാജപ്പൻ, സി.ടി.അപ്പുക്കുട്ടൻ, കെ.കെ.പുരുഷൻ, രമേഷ് മണി എന്നിവർ പ്രസംഗിച്ചു.