വൈക്കം : കേരള സ്​റ്റേ​റ്റ് എക്‌സ് സർവ്വീസസ് ലീഗ് വൈക്കം യൂണി​റ്റിന്റെ നേതൃത്വത്തിൽ 1971 ഇന്ത്യ പാക്ക് യുദ്ധത്തിലെ ധീരജവാന്മാരെ ആദരിക്കലും പൊതുസമ്മേളനവും നടത്തി. ധീരജവാന്മാരെയും വീർനാരിമാരെയും ചടങ്ങിൽ പൊന്നാട അണിയിച്ച് ആദരിച്ച് ഉപഹാരങ്ങൾ നല്കി.
ബ്രിഗേഡിയർ എം. നരേന്ദ്രനാഥ് സാജൻ സമ്മേളനം ഉദ്ഘാടനം ചെയ്തു. പ്രസിഡന്റ് കെ.​ടി.രാമകുമാർ അദ്ധ്യക്ഷത വഹിച്ചു. ക്യാപ്റ്റൻ എസ്.എസ് സിദ്ധാർത്ഥൻ, വി.​റ്റി ചാക്കോ, കെ. മണികണ്ഠൻ, എ.എൻ സുധാകരൻ, എൻ സോമൻ, കെ. കെ വിശ്വനാഥൻ നായർ, ഗിരിജ ശിവൻകുട്ടി, രേഖ ഹരിദാസ്, ശിവൻകുട്ടി നായർ എന്നിവർ പ്രസംഗിച്ചു.