ലക്‌നൗ: കോളേജിലെ ക്ളാസിൽ ഇരിക്കുകയായിരുന്ന വിദ്യാർത്ഥിക്കുനേരെ പുള്ളിപ്പുലിയുടെ ആക്രമണം. പരിക്കേറ്റ വിദ്യാർത്ഥിയെ ആശുപത്രിയിൽ പ്രവേശിപ്പിച്ചു. അലിഗഢിലെ ചൗധരി നിഹാല്‍ സിംഗ് ഇന്റര്‍ കോളേജില്‍ കഴിഞ്ഞദിവസമാണ് സംഭവം നടന്നത്. ഇതിന്റെ വീഡിയോ ഇതിനകം സോഷ്യൽ മീഡിയയിൽ വൈറലായി.
ലക്കി രാജ് സിംഗ് എന്ന വിദ്യാര്‍ത്ഥിക്കാണ് പരിക്കേറ്റത്. ക്ളാസിലിരിക്കുമ്പോൾ അപ്രതീക്ഷിതമായാണ് പുളളിപ്പുലി എത്തിയത്. ഇതിനെ കണ്ട് രക്ഷപ്പെടാൻ ശ്രമിക്കുമ്പോഴാണ് ആക്രമണമുണ്ടായത്. തുടർന്ന് പുലിയെ ക്ളാസ് മുറിയിൽ പൂട്ടിയിട്ടു. ലക്കിയുടെ മുതുകിലാണ് പരിക്കേറ്റത്. നിസാര പരിക്കാണെന്നാണ് ആശുപത്രിവൃത്തങ്ങൾ പറയുന്നത്. പുലിയെ വനംവകുപ്പ് ഏറ്റെടുത്തു.
"Man Vs Wild _ the graceful, agile, powerful tendua (leopard) treads into a classroom & will catch a short nap😴😴 before being released to jungle.."
— Kalanidhi Naithani (@ipsnaithani) December 1, 2021
Forest & Police officials rushed for rescue after we got an unusual panic call about leopard frm a college in Chara area #Aligarh pic.twitter.com/XVzSz67u8A