പുതുച്ചേരി : കേന്ദ്ര ഭരണ പ്രദേശമായ പുതുച്ചേരിയിൽ എല്ലാവർക്കും കൊവിഡ് വാക്സിൻ നിർബന്ധമാക്കി ഭരണകൂടം ഉത്തരവിറക്കി. രാജ്യത്ത് ആദ്യമായാണിത്. വാക്സിനേഷനോട് വിമുഖത കാട്ടുന്നവർക്കെതിരെ നിയമ നടപടി സ്വീകരിക്കും. 1973ലെ പൊതുജനാരോഗ്യ നിയമപ്രകാരമാണ് നടപടി സ്വീകരിച്ചത്. വാക്​സിനെടുക്കാൻ പലയിടത്തും ജനങ്ങൾ വിമുഖത പ്രകടിപ്പിക്കുന്നതിനിടെയാണ്​ കടുത്ത നടപടിയുമായി പുതുച്ചേരി ഭരണകൂടം രംഗത്തെത്തിയിരിക്കുന്നത്.