വീട് നിർമ്മാണത്തിൽ ആധുനികത കടന്നുവന്നപ്പോഴും ഇന്നും ഒഴിവാക്കാൻ കഴിയാത്ത ഒന്നാണ് ചെടികളുും പൂന്തോട്ടവും. യഥാർത്ഥത്തിൽ ചെടികൾക്ക് മുറ്റത്തെ പൂന്തോട്ടത്തിൽ നിന്ന് വീട്ടിനകത്തേക്ക് സ്ഥാനക്കയറ്റം കിട്ടി എന്നു വേണം പറയാൻ. പുറത്തായാലും അകത്തായാലും ചെടികൾ നടുമ്പോഴും വയ്കുമ്പോഴും വാസ്തു അനുസരിച്ച് ചെയ്യുന്നത് വീട്ടിൽ സന്തോഷം, സമാധാനം, ഐശ്വര്യം, ആരോഗ്യം, കുടുംബഐക്യം എന്നിവ വർദ്ധിപ്പിക്കുമെന്നാണ് വിശ്വാസം

എന്നാൽ എല്ലാ ചെടികളും വീട്ടിനകത്ത് വയ്ക്കുന്നത് നന്നല്ല. വീട്ടിൽ വയ്ക്കാവുന്ന ചെടികൾ മൂലമുള്ള ഗുണങ്ങൾ വാസ്തുവിൽ പറയുന്നത് ഇപ്രകാരമാണ്.

ലക്കിബാംബു- ഭാഗ്യം, ഐശ്വര്യം, സമാധാനഅന്തരിക്ഷം, പോസിറ്റീവ് എനർജി പ്രദാനം ചെയ്യുന്നു.

തുളസി- അന്തരിക്ഷവായു ശുദ്ധികരിക്കുന്നു. പോസിറ്റിവ് എനർജി നൽകുന്നു. വടക്ക്, കിഴക്ക്, വടക്ക്-കിഴക്ക് ദിശകളിൽ നടാൻ ഉത്തമം. തെക്ക് ഭാഗത്ത് നടാൻ പാടില്ല.

മണിപ്ലാന്റ്- ധന, ഐശ്വര്യ ആകർഷണത്തിന് ഉത്തമം. ലിവിംഗ് റൂമിന്റെ തെക്ക്-കിഴക്ക് ദിശയിൽ വയ്ക്കാം.കറ്റാർ വാഴ- ഔഷധസസ്യം, വായു ശുദ്ധികരിക്കുന്നു. കുറഞ്ഞ പരിപാലനം മതി. കുടുംബൈശ്വര്യത്തിന് കിഴക്ക് വടക്ക് ഭാഗത്ത് വയ്ക്കുന്നതാണ് നല്ലത്.

സ്നേക് പ്ലാന്റ്- സർപ്പപോള എന്നറിയപ്പെടുന്നു. കാഴ്ചയിൽ പാമ്പുമായുള്ള സാമ്യമാണ് പേരിന് കാരണം. അന്തരീക്ഷവായുവിലെ വിഷാംശം വലിച്ചെടുക്കാൻ പ്രത്യേകശേഷി. കിഴക്ക് തെക്ക് , തെക്ക് കിഴക്ക് ഭാഗത്ത് വയ്ക്കാം.

പീസ് ലില്ലി- സമാധാന അന്തരീക്ഷംനിലനിർത്തുന്നു. ബെഡ്റൂമിൽ വയ്ക്കാം.ജെയ്ഡ് പ്ലാന്റ്- ഡോളർപ്ലാന്റ് എന്നും അറിയപ്പെടുന്നു. ധനത്തെ പ്രതിനിധീകരിക്കുന്നു. വീട്ടിൽ തെക്ക്-കിഴക്ക് ദിശയിൽ വയ്ക്കാം.

വീടിനും ഉദ്യാനത്തിനും പറ്റുന്ന ചെടികൾ

വീട്ടിലേക്ക് - ലക്കി ബാംബു, തുളസി, മണിപ്ലാന്റ്, കറ്റാർവാഴ, സർപ്പപോള, പീസ് ലില്ലി, ജെയ്ഡ്പ്ലാന്റ്, സിങ്കോണിയം, ആന്തുറിയം.

ഉദ്യാനത്തിലേക്ക്- ബോധിവൃക്ഷം, മാവ്, പ്ലാവ്, വേപ്പ്, തെങ്ങ്.

ബോൺസായ്,​ മുൾച്ചെടികൾ, വള്ളിച്ചെടികൾ ​എന്നിവ വീട്ടിനകത്ത് ഒഴിവാക്കണമെന്നാണ് വാസ്തുവിൽ പറയുന്നത്.

- കലാപരമായി വളർത്താമെങ്കിലും ബോൺസായിയെ അശുഭമായാണ് കാണുന്നത്. അകത്തളത്തിൽ സ്ഥാപിക്കുന്നത് നന്നല്ല. . ദൗർഭാഗ്യം ആകർഷിക്കുന്നു. ഉണങ്ങിയതും വാടിയതുമായ ചെടികൾ അനാരോഗ്യത്തിന്റെ ലക്ഷണമായും കണക്കാക്കുന്നു.

മുൾചെടികളും കോട്ടൺചെടികളും വീട്ടിനകത്ത് ഒഴിവാക്കണം. ഭിത്തിയിൽ പടരുന്ന .വള്ളിച്ചെടികൾ-ഒഴിവാക്കണം. വിള്ളലുകളിൽ വേരാഴ്ത്തി വലുതാക്കും. ചോർച്ചയ്ക്കും കാരണമാകും. ഇവ നെഗറ്റിവ് എനർജി കൊണ്ടുവരും