ന്യൂഡൽഹി: കുനൂരിൽ ഹെലികോപ്ടർ അപകടത്തിൽ മരിച്ച സംയുക്ത സേന മേധാവി ജനറൽ ബിപിൻ റാവത്തിന്റെയും ഭാര്യയുടെയും ഉൾപ്പടെയുള്ളവരുടെ മൃതദേഹം ഇന്ന് ഡൽഹിയിലെത്തിക്കും. രാവിലെ എട്ട് മണിയോടെ തമിഴ്‌നാട് മുഖ്യമന്ത്രി എം കെ സ്റ്റാലിൻ വെല്ലിംഗ്ടണിലെ ആശുപത്രിയിലെത്തി അന്തിമോപചാരം അർപ്പിക്കും.

തുടർന്ന് പതിമൂന്ന് വാഹനങ്ങളിലായി മൃതദേഹങ്ങൾ കോയമ്പത്തൂരിലേക്ക് കൊണ്ടുപോകും. അവിടെ നിന്ന് വിമാനമാർഗം ഡൽഹിയിലെത്തിക്കും. അ​പ​ക​ട​ത്തി​ൽ​ ​ഗു​രു​ത​ര​മാ​യി​ ​പ​രി​ക്കേ​റ്റ​ ​ക്യാ​പ്റ്റ​ൻ​ ​വ​രു​ൺ​ ​സിം​ഗി​നെ​ ​കോയമ്പത്തൂരിലെ ആശുപത്രിയിലേക്ക്​ ​മാറ്റിയതായി റിപ്പോർട്ടുകളുണ്ട്.

അ​പ​ക​ടം​ ​സം​ബ​ന്ധി​ച്ച് പ്രതിരോധമന്ത്രി രാജ്‌നാഥ് സിംഗ് രാവിലെ 11.15 ന് ലോക്സഭയിൽ പ്രസ്താവന നടത്തും. അന്വേഷണം നടക്കുന്നതിനാൽ അപകട കാരണങ്ങളിലേക്ക് കടക്കില്ല. അന്വേഷണ ഉദ്യോഗസ്ഥർ അപകടം നടന്ന സ്ഥലത്തെത്തിയിട്ടുണ്ട്. വിംഗ് കമാന്റർ ഭരദ്വാജിന്റെ നേതൃത്വത്തിലാണ് പരിശോധന നടത്തുന്നത്.

ജ​ന​റ​ൽ​ ​റാ​വ​ത്തി​ന്റെ​ ​സം​സ്കാ​രം​ ​നാ​ളെ

ബി​പി​ൻ​ ​റാ​വ​ത്തി​ന്റെ​യും​ ഭാര്യ മ​ധു​ലി​ക ​റാ​വ​ത്തി​ന്റെ​യും​ ​ഭൗ​തി​ക​ ​ശ​രീ​രം​ ​നാ​ളെ​ ​രാ​വി​ലെ​ പതിനൊന്ന് ​മു​ത​ൽ​ ​ഉ​ച്ച​യ്‌​ക്ക് രണ്ട് വ​രെ​ ​ജ​ന​റ​ൽ​ ​റാ​വ​ത്തി​ന്റെ​ ​കാ​മ​രാ​ജ് ​മാ​ർ​ഗി​ലെ​ ​ഔ​ദ്യോ​ഗി​ക​ ​വ​സ​തി​യി​ൽ​ ​പൊ​തു​ദ​ർ​ശ​ന​ത്തി​ന് ​വ​യ്‌​ക്കും.​ ​തു​ട​ർ​ന്ന് ​ക​ന്റോ​ൺ​മെ​ന്റി​ലെ​ ​ബ്രാ​ർ​ ​സ്ക്വ​യ​ർ​ ​ക്രീ​മെ​റ്റോ​റി​യ​ത്തി​ൽ​ ​സം​സ്ക​രി​ക്കും. റാവത്തിന്റെ സ്വദേശമായ ഉത്തരാഖണ്ഡിൽ മൂന്ന് ദിവസത്തെ ഔദ്യോഗിക ദു:ഖാചരണം പ്രഖ്യാപിച്ചിട്ടുണ്ട്.

അനുശോചിച്ച് ലോകരാജ്യങ്ങൾ
ജനറല്‍ ബിപിന്‍ റാവത്തിന്റെ നിര്യാണത്തില്‍ അനുശോചിച്ച് ലോകരാജ്യങ്ങള്‍. ദുരന്തത്തിൽ അമേരിക്ക, ബ്രിട്ടൻ, ഫ്രാൻസ് തുടങ്ങിയ രാജ്യങ്ങൾ നടുക്കം രേഖപ്പെടുത്തി. ഇന്ത്യന്‍ ജനതയുടെ ദുഖത്തില്‍ പങ്കുചേരുന്നെന്ന് പെന്റഗണ്‍ പ്രസ് സെക്രട്ടറി ജോണ്‍ കിര്‍ബി പറഞ്ഞു.