കൊച്ചി: താരസംഘടനയായ അമ്മയുടെ പ്രസിഡന്റായി മോഹൻലാലിനെ വീണ്ടും എതിരില്ലാതെ തിരഞ്ഞെടുത്തു. രണ്ടാം വട്ടമാണ് അദ്ദേഹം പ്രസിഡന്റ് പദവിയിലെത്തുന്നത്.

ആശാ ശരത്തിനെയും ശ്വേത മേനോനെയും വൈസ് പ്രസിഡന്റുമാരായും ഇടവേള ബാബുവിനെ ജനറൽ സെക്രട്ടറിയായും ജയസൂര്യയെ ജോയിന്റ് സെക്രട്ടറിയായും എതിരില്ലാതെ തിരഞ്ഞെടുക്കപ്പെട്ടു. 21 വർഷം തുടർച്ചയായി സെക്രട്ടറി, ജനറൽ സെക്രട്ടറി പദവിയിലെത്തിയ ആളെന്ന നേട്ടവും ഇടവേള ബാബുവിനുണ്ട്.