തിരുവനന്തപുരം: കൊവിഡ് വ്യാപനം കുറയുന്ന പശ്ചാത്തലത്തിൽ ശബരിമലയിൽ തീർത്ഥാടകർക്ക് സർക്കാർ കൂടുതൽ ഇളവുകൾ അനുവ​ദിച്ചു. മുഖ്യമന്ത്രി പിണറായി വിജയനുമായി ദേവസ്വം മന്ത്രി കെ രാധാകൃഷ്ണൻ നടത്തിയ ചർച്ചയിലാണ് ഇളവുകൾ തീരുമാനിച്ചത്.

പമ്പയിൽ നിന്ന് നീലിമല, അപ്പാച്ചിമേട്, മരക്കൂട്ടം വഴിയുള്ള പരമ്പരാഗത പാത തുറക്കും. സന്നിധാനത്ത് രാത്രി വിരി വയ്ക്കാനും അനുമതി നൽകിയിട്ടുണ്ട്. ഇതിനായി 500 മുറികളും സജ്ജമാക്കി. നീലിമലയിലും അപ്പാച്ചിമേട്ടിലും പ്രാഥമിക ചികിത്സാ സൗകര്യങ്ങളും ഒരുക്കിയിട്ടുണ്ട്.പമ്പയിൽ കുളിക്കാനും ബലിതർപ്പണത്തിനും അനുമതി നൽകും. പമ്പയിലെ അതതു ദിവസങ്ങളിലെ ജല നിരപ്പ് വിലയിരുത്തി ജില്ലാ ഭരണകൂടമാണ് ഇക്കാര്യത്തിൽ തീരുമാനം എടുക്കുക.