ന്യൂഡൽഹി: പ്രധാനമന്ത്രി നരേന്ദ്ര മോദിയുടെ ട്വിറ്റർ അക്കൗണ്ട് ഹാക്ക് ചെയ്തു. നരേന്ദ്ര മോദി എന്ന പേരിലുള്ള സ്വകാര്യ അക്കൗണ്ടാണ് ഹാക്ക് ചെയ്തത്. രാജ്യത്ത് ബിറ്റ്‌ കോയിൻ നിയമാനുസൃതമാക്കിയെന്നും,സര്‍ക്കാര്‍ 500 ബിറ്റ്‌ കോയിൻ വാങ്ങി ജനങ്ങള്‍ക്ക് വിതരണം ചെയ്യുകയാണ് എന്നുമായിരുന്നു ഹാക്ക് ചെയ്യപ്പെട്ടശേഷമുള്ള ട്വീറ്റ്.
ഇന്ന് പുലർച്ചെയോടെയായിരുന്നു സംഭവം. ട്വിറ്ററിനെ വിവരം അറിയിക്കുകയും പ്രശ്‌നം പരിഹരിക്കുകയും ചെയ്‌തെന്ന് പ്രധാനമന്ത്രിയുടെ ഓഫീസ് അറിയിച്ചു.സംഭവത്തിൽ ഉന്നതതല അന്വേഷണം നടത്തും.
' പ്രധാനമന്ത്രിയുടെ ട്വിറ്റർ അക്കൗണ്ട് ഹാക്ക് ചെയ്തു. വിഷയം ഉടൻ ട്വിറ്ററിനെ അറിയിക്കുകയും അക്കൗണ്ട് സുരക്ഷിതമാക്കുകയും ചെയ്തു. ഹാക്ക് ചെയ്ത സമയത്ത് വന്ന ട്വീറ്റുകൾ നീക്കം ചെയ്‌തിട്ടുണ്ട്.'- പ്രധാനമന്ത്രിയുടെ ഓഫീസ് അറിയിച്ചു. കഴിഞ്ഞ വർഷം സെപ്തംബറിൽ മോദിയുടെ വെബ്‌സൈറ്റും മൊബൈല്‍ ആപ്പും ഹാക്ക് ചെയ്യപ്പെട്ടിരുന്നു.
The Twitter handle of PM @narendramodi was very briefly compromised. The matter was escalated to Twitter and the account has been immediately secured.
— PMO India (@PMOIndia) December 11, 2021
In the brief period that the account was compromised, any Tweet shared must be ignored.