നൃത്തവുമായി ബന്ധപ്പെട്ട വിശേഷങ്ങളെല്ലാം ആരാധകരുമായി പങ്കുവയ്‌ക്കാറുണ്ട് നടി ശോഭന. ഇപ്പോഴിതാ, മലയാളിത്തം തുളുമ്പുന്ന വേഷത്തിൽ ശോഭനയും സംഘവും അവതരിപ്പിച്ച നൃത്ത വീഡിയോയാണ് ഇൻസ്റ്റ റീലിൽ ട്രെൻഡിംഗാകുന്നത്. മല്ലൂസ് വാക്കിംഗ് എറൗണ്ട് ഇൻ ശൃംഗാര ചെന്നൈ എന്ന അടിക്കുറിപ്പോടെയാണ് താരം വീഡിയോ പങ്കുവച്ചിരിക്കുന്നത്.
കേരളത്തനിമയിലുള്ള വേഷത്തിനും നൃത്തച്ചുവടുകൾക്കും ആരാധകർക്കിടയിൽ നിന്നും മികച്ച സ്വീകരമാണ് ലഭിക്കുന്നത്. ശ്രീവിദ്യ ശൈലഷ്, ആശ രമ എന്നീ നർത്തകരാണ് ശോഭനയ്‌ക്കൊപ്പം ചുവട് വച്ചിരിക്കുന്നത്.
ഇൻസ്റ്റ റീൽസിൽ പതിവായി താരം നൃത്തച്ചുവടുകളും നൃത്തം പഠിപ്പിക്കുന്ന വീഡിയോയുമൊക്കെ പങ്കുവയ്‌ക്കാറുണ്ട്. അതിനെല്ലാം ആരാധകരിൽ നിന്നും മികച്ച പ്രതികരണം ലഭിക്കാറുമുണ്ട്.