റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ -മെയിൽ : samkhiyarathnam@gmail.com

അശ്വതി: ധനലാഭാമുള്ള വ്യവസ്ഥകൾക്ക് വിധേയമായി പ്രവർത്തി മണ്ഡലങ്ങൾക്ക് തുടക്കം കുറിക്കും, കുടുംബ സൗഖ്യം ലഭിക്കും, ചലച്ചിത്ര രംഗത്തുള്ളവർക്ക് സമയം അനുകൂലമാണ്, ബിസിനസിൽ ലാഭം ഉണ്ടാകും, പ്രണയം സഫലമാകും.

ഭരണി: അസാധ്യമെന്നു കരുതി മറ്റുള്ളവർ കളയുന്ന പ്രവർത്തികൾ വിജയത്തിലെത്തിക്കും, കാരണവന്മാരുടെയും ഗുരുനാഥന്മാരുടെയും അനുഗ്രഹം ഏറ്റുവാങ്ങി മുന്നോട്ടു പോകും. വിദേശബന്ധുക്കളിൽ നിന്നും സഹായം ലഭിക്കും, പുണ്യക്ഷേത്ര സന്ദർശനം നടത്തും.

കാർത്തിക: മനസാക്ഷിക്ക് വിപരീതമായി പ്രവർത്തിക്കരുത്. അനാവശ്യ ചിന്തകൾ ഒഴിവാക്കുക, ശത്രുക്കളുടെ പ്രവർത്തനം സസൂക്ഷ്മം ശ്രദ്ധിക്കുക, തൊഴിൽ രംഗത്ത് മേലധികാരികളുമായി ഉരസരുത്, അന്യരുടെ പഞ്ചാര വാക്ക്കേട്ട് ചതിയിൽ പെടരുത്.

രോഹിണി: വസ്തു ക്രയവിക്രയ സാധ്യത, വിവാഹ പ്രായമായവർക്ക് വിവാഹം നടക്കാൻ സാധ്യത. ലക്ഷ്യബോധത്തോടും ഏകാഗ്രതയോടു കൂടിയും പ്രവർത്തിച്ച് വിജയം കൊയ്യും, ഔദ്യോഗിക രംഗത്ത് പുതിയ ഉത്തരവാദിത്വങ്ങൾ ലഭിക്കും. സന്താനങ്ങളുടെ വിദ്യാഭ്യാസം നന്നാകും,സർവ്വാഭീഷ്ട സിദ്ധി ലഭിക്കും.

മകയിരം: അയൽക്കാരുടെയും ശത്രുക്കളുടെയും ശല്യം,ശാരീരിക ദുരിതമുണ്ടാകാതിരിക്കാനും,ഹൃദയ രോഗമുണ്ടാകാതിരിക്കാനും ശ്രദ്ധിക്കണം,സന്താനങ്ങളുടെ മേൽ കരുതൽ വേണം.പങ്കാളിയുടെ ആരോഗ്യ നില പ്രത്യേകം ശ്രദ്ധിക്കണം. സദസുകളിൽ അപമാനിതരാകാതിരിക്കാൻ ശ്രദ്ധിക്കണം.

തിരുവാതിര: സാമ്പത്തിക വിഷമതകൾ മാറും, കുടുംബ സുഖം ലഭിക്കും, മന:സുഖം ലഭിക്കും, പൊതുരംഗത്തു പ്രശസ്തി, ഈശ്വര പ്രീതി നോക്കി മാത്രം പങ്കെടുക്കുക,വിദേശ യാത്രയ്ക്ക് യോഗം. പ്രണയബന്ധത്തിൽ നേട്ടം.സന്താനങ്ങളിൽ നിന്നും നേട്ടം.ആത്മവിശ്വാസം ഉണ്ടാകും.സമചിത്തതയോടെ പ്രവർത്തിക്കും.

പുണർതം: കുടുംബ സ്വത്തിൽ തർക്കം വരും.അവ ബുദ്ധിപൂർവ്വം കൈകാര്യം ചെയ്യണം.പ്രണയത്തിൽ നിന്നും വിട്ട് നിൽക്കണം.ഭരണാധികാരികൾക്ക് പ്രതിസന്ധികൾ, രഹസ്യ പ്രവർത്തനത്തിൽഏർപ്പെട്ട് പരാജിതരാകരുത്.മനസാക്ഷിക്ക് വിപരീതമായി പ്രവർത്തിക്കരുത്.

പുയം:സൽകർമ്മങ്ങൾ, തീർഥയാത്രകൾ, സത്സംഗം എന്നിവയിൽ പങ്കെടുക്കും, കഠിനമായ അദ്ധ്വാനം കൊണ്ട് ചുമതലകൾ നിർവഹിക്കും, പൂർവ്വീക സ്വത്ത് ലഭിക്കും.അംഗീകാരം,സർക്കാരിൽ നിന്നും അനുകൂല നടപടി, കുടുംബത്തിൽ മംഗല്യ സിദ്ധിയ്ക്ക് വേണ്ടി പുണ്യകർമ്മങ്ങൾ നടത്തും.

ആയില്യം: മാതാപിതാക്കളെ കൊണ്ട് ഗുണങ്ങൾ ഉണ്ടാകും. സന്താനങ്ങൾക്ക് ഉപരിപഠനം ലഭിക്കുന്നതാണ്. നിധി ലാഭം, ഇഷ്ടജന സംഗമം, രോഗശമനം, അർഹിക്കുന്ന സ്ഥാനം ലഭിക്കും, വിവാദങ്ങളിൽ വിജയിക്കും, പ്രവൃത്തി മേഖലയിൽ പ്രതിസന്ധികൾ മാറും.

മകം: മംഗള കർമ്മങ്ങൾക്ക് തടസ്സം നേരിട്ടാലും അവസാനം കാര്യങ്ങൾ അനുകൂലമാകും, പഠന കാര്യങ്ങളിൽ അമിത താൽപര്യം കാണിക്കും, തിരികെ ലഭിക്കില്ലെന്ന് കരുതിയ പണം തിരിച്ചുകിട്ടും, മഹാക്ഷേത്രങ്ങൾ സന്ദർശിക്കും.

പൂരം: ജോലിയിലെ പ്രശ്‌നങ്ങൾ വിജയകരമായി മറികടക്കാൻ സാധിക്കും, കുടുംബ ജീവിതത്തിൽ ആഹ്ലാദം വന്നു ചേരും, ജീവിത പങ്കാളിയുടെ ആരോഗ്യത്തിലും കൂടുതൽ ശ്രദ്ധ പ്രകടിപ്പിക്കും, അകന്നു കഴിഞ്ഞിരുന്ന ബന്ധുക്കൾ യോജിപ്പിലെത്തും,ഇഷ്ട വാർത്താ ശ്രവണം.

ഉത്രം: ആത്മാഭിമാനം വർദ്ധിക്കുന്ന സംഭവങ്ങളുണ്ടാകും,ജീവിത സുഖം വർദ്ധിക്കും,ഇഷ്ടജനം വഴി നേട്ടങ്ങൾ കൈവരും, അനുരാഗ ബന്ധങ്ങൾ വിവാഹത്തിൽ കലാശിക്കും. കുടുംബ കാര്യത്തിൽ ശ്രദ്ധ കേന്ദ്രീകരിക്കും. പൊതുരംഗത്ത്‌നേട്ടം. യോഗാസനങ്ങളും ഭക്ഷണ ക്രമീകരണവും ശീലിക്കണം.

അത്തം: അന്യ ദേശങ്ങളിൽ ജോലി സാധ്യത. ബന്ധുജനസന്ദർശനം മനസുഖം നൽകും. കലാസാംസ്‌കാരികരംഗത്തുള്ളവർക്ക് പ്രശസ്തിയും അവസരങ്ങളും ലഭിക്കും,സഹോദരങ്ങൾ വഴി നേട്ടം,വിവാഹം,ഉദ്യോഗം ഇവയ്ക്കു വേണ്ടി ഈശ്വര പ്രാർത്ഥന ശക്തമാകണം.

ചിത്തിര: വളരെകാലമായി തീർപ്പ് കൽപ്പിക്കാതെ കിടന്ന വ്യവഹാരങ്ങളിൽ തീർപ്പാകും,വിശിഷ്ട വ്യക്തികളുമായി സമ്പർക്കമുണ്ടാക്കി നേട്ടങ്ങൾ കൊയ്യും.ജീവിതാഭിലാഷങ്ങൾ യാഥാർത്ഥ്യം ആകും. പുന:പരീക്ഷയിൽ വിജയിക്കും.സാമ്പത്തിക സഹായം നൽകുമ്പോൾ രേഖകൾ വാങ്ങാൻ മറക്കരുത്.

ചോതി : ഇഷ്ടജനങ്ങളിൽ നിന്നും സഹോദരങ്ങളിൽ നിന്നും ഉള്ള ഭിന്നത മാറും. ആത്മീയകാര്യങ്ങളിൽ ശ്രദ്ധ വർദ്ധിക്കും, ഉദ്യോഗ ലബ്ദി, രാജ ബഹുമാനം, പുരസ്‌കാര ലബ്ധി, നേതൃസ്ഥാനമലങ്കരിക്കൽ, അപകടങ്ങളിൽ നിന്നും അത്ഭുതകരമായി രക്ഷപ്പെടും,ദൈവ കൃപയുണ്ടാകുന്നതാണ്, പരീക്ഷകളിൽ ഉന്നത വിജയം കരസ്ഥമാകും.

വിശാഖം: പുരുഷന്മാർക്ക് അപഖ്യാതി കേൾക്കാൻ ഇടയുണ്ട്. രോഗങ്ങളിൽ പ്രത്യേക ശ്രദ്ധ കേന്ദ്രീകരിക്കണം.ചീത്തകൂട്ടുകെട്ട് മൂലം ദുശീലങ്ങൾ ഉണ്ടാകാൻ സാധ്യത.വെള്ളത്തിലെ യാത്ര സൂക്ഷിക്കണം. അഗ്‌നിസമ്പന്ധമായ അപകടസാധ്യത, ലഹരിപദാർത്ഥങ്ങളിൽ നിന്നും വിട്ടു നിൽക്കണം.

അനിഴം:കൃത്യനിഷ്ഠ പാലിക്കാൻ പരമാവധി ശ്രമിക്കണം, എഴുത്തുകുത്തുകൾ സൂക്ഷിക്കണം, വിശ്വാസവഞ്ചനയ്ക്ക് ഇടവരരുത്. യാത്രാ വേളകളിൽ വിലപിടിപ്പുള്ള സാമഗ്രികൾ നഷ്ടപ്പെടാതെ സൂക്ഷിക്കണം. സ്ത്രീജനങ്ങൾക്ക് അപഖ്യാതി കേൾക്കാൻ സാധ്യത ഉള്ളതിനാൽ സൂക്ഷ്മതയോടെ കാര്യങ്ങൾ കൈകാര്യം ചെയ്യണം.

കേട്ട:വാക്കുകൾ സൂക്ഷിച്ചുപയോഗിക്കണം,ചെയ്തപോയ കുറ്റങ്ങളിൽ പശ്ചാത്തപിക്കേണ്ടാതായി വരും,അബദ്ധങ്ങളിൽ ചാടരുത്.അന്യരുടെ വാക്ക് കേട്ട് അബദ്ധത്തിൽ ചെന്നു ചാടരുത്. അവസരങ്ങൾ നഷ്ടപെടുത്തരുത്,കുടുംബപ്രശ്‌നങ്ങൾ എത്രയും വേഗം പരിഹരിക്കണം.

മൂലം: പുതിയ മന്ത്രോപാസന നടത്തും, ധന വരവിന് സാധ്യത. തീർപ്പുകൽപ്പിക്കാതെ കിടന്ന വ്യവഹാരത്തിൽ അനുകൂലവിധി, തൊഴിൽ ലഭിക്കും, വാഹനം, ഗൃഹം എന്നിവ വാങ്ങാൻ സാധ്യത, പൂർവ്വീക സ്വത്ത് ലഭിക്കും.അപകടങ്ങളിൽ നിന്നും രക്ഷപ്പെടും.

പൂരാടം: അസുഖങ്ങൾക്ക് പുതിയ ചികിത്സാരീതി വഴി മോചനം കിട്ടും. ഇഷ്ടജന സഹകരണമുണ്ടാകും. സർക്കാരിൽ നിന്നും അനുകൂല നടപടികൾ,വിവാഹം നടക്കും,ഉദ്യോഗവും,ഉന്നത വിദ്യാഭ്യാസവും ലഭിക്കും.ബിസ്സിനസ്സ് രംഗം തെളിഞ്ഞു തുടങ്ങും.സഹായവും വായ്പാ സൗകര്യവും ലഭിക്കും.

ഉത്രാടം:ബന്ധുക്കളിൽനിന്നും വിരോധങ്ങളും ഔദ്യോഗിക രംഗത്ത് ശത്രുക്കളും ഉണ്ടാകാതെ സൂക്ഷിക്കണം. ധനം കടം കൊടുക്കരുത്. ശരീര പീഡയ്ക്ക് സാധ്യതയുള്ളതിനാൽ സൂക്ഷിക്കുക. മനശാന്തി കുറവുണ്ടാകും ആയതിനാൽ തൊഴിൽ ശ്രദ്ധയോടെ കൈകാര്യം ചെയ്യണം.

തിരുവോണം:ശത്രുക്കൾ പലപ്പോഴുംമിത്ര രൂപത്തിൽ വരികയും കുഴിയിൽ ചാടിക്കുകയും ചെയ്യും. പണം കടം കൊടുക്കരുത്. രാഷ്ട്രീയം,കല,കായികം,വ്യവസായം എന്നീ രംഗത്ത് പ്രതിസന്ധികൾ. സ്ത്രീകൾ നിമിത്തം പ്രശ്‌നങ്ങൾ ഉണ്ടാകാൻ സാധ്യത ഉള്ളതിനാൽ പ്രത്യേക ശ്രദ്ധ കേന്ദ്രീകരിക്കണം.

അവിട്ടം:വിശിഷ്ട വസ്ത്രാഭരണ ഭക്ഷണ പ്രീയം കൂടുതൽ ആകും , അലസത വിട്ടൊഴിയും.വിദേശ യാത്രാ സാഫല്യം.അധ്യാത്മിക കാര്യങ്ങളിൽ താത്പര്യം വർദ്ധിക്കും. ജോലി അന്വേഷിക്കുന്നവർക്ക്‌ജോലി ലഭിക്കും. കുടുംബ ബന്ധങ്ങളിൽ ഉണ്ടായിരുന്ന ശത്രുത കുറയും, ഔദ്യോഗിക രംഗത്ത് സ്ഥാനമാറ്റം.

ചതയം: ഇഷ്ടജനങ്ങളുടെ അനൈക്യതകളാൽ വാടകവീട്ടിലേക്ക് താമസം മാറും, ചെയ്യാത്ത കുറ്റത്തിന് അപവാദം കേൾക്കാൻ ഇടവരും, പ്രകോപനങ്ങളിൽ അകപ്പെടരുത്.വിശ്വാസ വഞ്ചനക്ക് പാത്രമാകും,അസൂയക്കാരിൽ നിന്നും ശല്യമുണ്ടാകും,സദാചാര വിരുദ്ധ ജീവിതം ഒഴിവാക്കണം.ഏറ്റെടുക്കുന്ന കർമ്മങ്ങൾ പൂർത്തീകരിക്കാൻ പ്രയാസപ്പെടും.

പൂരുരുട്ടാതി: റിയൽ എസ്‌റ്റേറ്റ്,ഊഹ കച്ചവടം,ബാങ്ക്, ഇൻഷുറൻസ് മേഖലയിലുള്ളവരക്ക് നേട്ടങ്ങൾ, കുടുംബത്തിൽ മംഗള കർമ്മം നടക്കും,തൊഴിൽ സൂക്ഷമതയോടെ കൈകാര്യം ചെയ്യണം,കുടുംബത്തിൽ അഭിപ്രായ വ്യത്യാസം ഉണ്ടാകാതെ സൂക്ഷിക്കണം പ്രണയ ചിന്ത മനസ്സിനെ സന്തോഷിപ്പിക്കും.

ഉത്തൃട്ടാതി: ലഹരി പദാർഥങ്ങളുടെ ഉപയോഗം ഒഴിവാക്കുക,മാതാപിതാക്കളുടെ ആരോഗ്യ കാര്യങ്ങളിൽ പ്രത്യേക ശ്രദ്ധ വയ്ക്കണം.ദേഷ്യം കുറച്ചു മന്നോട്ടു പോകണം,വസ്തു തർക്കത്തിൽ പ്രതികൂല കോടതി വിധി,അപഖ്യാതി കേൾക്കുന്ന പ്രവർത്തികളിൽ നിന്നും വിട്ടുനിൽക്കണം.
അഹം ഭാവവും, നിന്ദാശീലവും ഒഴിവാക്കണം.

രേവതി: മുടങ്ങികിടക്കുന്ന പ്രവർത്തനങ്ങൾ പുനരാരംഭിക്കും, പൊതവേദിയിൽ അംഗീകാരത്തിനു ഓം ആദരവിനും യോഗം, ഗൃഹ, വാഹന ലാഭം, നവീന വസ്ത്രലബ്ദി,വിദേശ ജോലി തരപ്പെടും,മനസ്സിനിഷ്ടപെട്ട തൊഴിൽ ലഭിക്കും, പൂർവ്വീക സ്വത്ത് ലഭിക്കും, പുസ്തകങ്ങൾക്കും, ഔഷധങ്ങൾക്കും, ധനം ചിലവഴിക്കും.