ന്യൂഡൽഹി: ഇന്ത്യയിൽ കഴിഞ്ഞ മൂന്ന് സാമ്പത്തിക വർഷങ്ങളിലായി ഇന്ധന നികുതിയിനത്തിൽ മാത്രം കേന്ദ്രത്തിന്റെ ഖജനാവിലേക്ക് എത്തിയത് എട്ട് ലക്ഷം കോടി രൂപ. ധനകാര്യമന്ത്രി നിർമ്മല സൂതാരാമൻ പാർലമെന്റിൽ അറിയിച്ചതാണ് ഇക്കാര്യം. 2020-21 സാമ്പത്തിക വർഷത്തിൽ മാത്രം 3.71 ലക്ഷം കോടി രൂപയാണ്. കഴിഞ്ഞ മൂന്ന് വർഷത്തിനിടെ ലഭിച്ചതിൽ ഏറ്റവും കൂടിയ നികുതി തുകയാണിത്. 2018-19 സാമ്പത്തിക വർഷത്തിൽ 2.10 ലക്ഷം കോടിയും, 2019-20ൽ 2.19 ലക്ഷം കോടിയും പിരിച്ചെടുത്തെന്ന് ധനകാര്യ മന്ത്രി പാർലമെന്റിനെ രേഖാമൂലം അറിയിച്ചു.

മോദി സർക്കാർ അധികാരത്തിലെത്തിയതിന്​ ശേഷം പെട്രോളിനും ഡീസലിനുമുള്ള തീരുവകളും വർദ്ധിപ്പിച്ചിരുന്നു. പെട്രോളിനുള്ള എക്​സൈസ്​ തീരുവ 2018ൽ ലിറ്ററിന്​ 19.48 രൂപയായിരുന്നു. 2021ൽ ഇത്​ 27.90 രൂപയാക്കി വർദ്ധിപ്പിച്ചു. ഡീസൽ തീരുവ 15.33 രൂപയിൽ നിന്നും 21.80 രൂപയായാണ്​ വർദ്ധിപ്പിച്ചത്​. ഈ വർഷം നവംബറിൽ പെട്രോളിന്റെയും ഡീസലിന്റെയും എക്​സൈ്​ തീരുവ അഞ്ച്​ രൂപയും 10 രൂപയും കുറച്ചിരുന്നു.