തിരുവനന്തപുരം: വെഞ്ഞാറമൂട്ടിലെ കൂട്ട ആത്മഹത്യാ ശ്രമത്തിൽ അമ്മയ്ക്ക് പിന്നാലെ മൂത്തമകളും മരിച്ചു. കുന്നുമുകൾ തടത്തരികത്ത് വീട്ടിൽ ശ്രീജ (26) ആണ് മൂന്ന് മക്കൾക്ക്‌ വിഷം നൽകി ആത്മഹത്യക്ക് ശ്രമിച്ചത്. ഇതിൽ ശ്രീജ മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ ഇന്നുരാവിലെയാണ് മരിച്ചത്. മൂത്തമകൾ ഒമ്പതുകാരി ജ്യോതിക ഇന്ന് രാത്രിയോടെയാണ് മരിച്ചത്.

ജ്യോതി (7), അഭിനവ് (മൂന്നര വയസ്) എന്നിവർ ഗുരുതരാവസ്ഥയിൽ ചികിത്സയിലാണ്. കുടുബ പ്രശ്നങ്ങളാണ് ആത്മഹത്യക്ക് കാരണമെന്ന് പൊലീസ് പറഞ്ഞു.

ടൗണിലെ തുണിക്കടയിലെ ജീവനക്കാരിയായിരുന്നു ശ്രീജ. .ഇന്നലെ വൈകുന്നേരം ജോലി കഴിഞ്ഞെത്തിയ ശേഷം ശ്രീജ കുട്ടികൾക്ക് ശീതളപാനിയത്തിൽ എലിവിഷം കലർത്തി നൽകുകയായിരുന്നു. അവശയായി കണ്ടെത്തിയ ശ്രീജയെ പ്രാഥമിക ആരോഗ്യ കേന്ദ്രത്തിൽ എത്തിക്കുകയും അവിടെ ചികിത്സിച്ച ഡോക്ടറോട് കുട്ടികൾക്കും വിഷം നൽകിയ കാര്യം ശ്രീജ പറയുകയുമായിരുന്നു. തുടർന്നാണ് ശ്രീജയെയും കുട്ടികളെയും മെഡിക്കൽ കോളജിലേക്ക് മാറ്റിയത്.