തിരുവനന്തപുരം: കട ബാദ്ധ്യതയെ തുടർന്ന് സംരംഭക ജീവനൊടുക്കി. വിളപ്പിൽ സ്വദേശി രാജി ശിവനാണ് മരിച്ചത്. ഹോളോ ബ്രിക്സ് കമ്പനി ഉടമയായിരുന്നു ഇവർ . ഇവർക്ക് 58 ലക്ഷം രൂപയുടെ കട ബാദ്ധ്യത ഉണ്ടായിരുന്നു.

സാങ്കേതിക സർവകലാശാല പദ്ധതി പ്രദേശത്ത് ഇവർക്ക് ഭൂമിയുണ്ടായിരുന്നു. എന്നാൽ ഈ ഭൂമിയുമായി ബന്ധപ്പെട്ട രേഖകൾ അധികൃതർ വാങ്ങിയത് സാമ്പത്തിക പ്രതിസന്ധി രൂക്ഷമാക്കി. ഇതാണ് ആത്മഹത്യയിലേക്ക് നയിച്ചതെന്നും പറയപ്പെടുന്നു.