റിയാദ് : സൗദിയിൽ വിമാനത്താവളങ്ങള്‍ സ്വകാര്യവത്‌കരിക്കുന്നു. ഇതിന്റെ ഭാഗമായി 22 വിമാനത്താവളങ്ങള്‍ എയര്‍പോര്‍ട്ട് ഹോള്‍ഡിംഗ് കമ്പനിക്ക് കൈമാറുമെന്ന് ജനറല്‍ അതോറിട്ടി ഓഫ് സിവില്‍ ഏവിയേഷന്‍ മേധാവി അബ്ദുല്‍ അസീസ് അല്‍-ദുവയ്‌ലെജ് അറിയിച്ചു.
വിമാനത്താവള സ്വകാര്യവത്കരണവുമായി ബന്ധപ്പെട്ട സുപ്രധാന പദ്ധതിയാണിത്. 2022 ന്റെ തുടക്കത്തില്‍ തന്നെ തായിഫിലെയും കാസിമിലെയും വിമാനത്താവളങ്ങളുടെ കൈമാറ്റം നടക്കും.ശേഷം, മറ്റു വിമാനത്താവളങ്ങളുടേയും ആസ്തി കൈമാറ്റം നടത്തും. സിവില്‍ ഏവിയേഷന്‍ അതോറിറ്റി ഹൈക്കമ്മീഷണറുടെ നിര്‍ദ്ദേശങ്ങള്‍ക്കനുസൃതമായാണ് പ്രവര്‍ത്തനങ്ങള്‍ നടക്കുക.
.
രാജ്യത്തെ നിരവധി വിമാനത്താവളങ്ങള്‍ക്കായി നിലവില്‍ സാമ്പത്തികവും സാങ്കേതികവുമായ പഠനങ്ങള്‍ നടക്കുന്നുണ്ടെന്നും ദുവയ്‌ലെജ് കൂട്ടിച്ചേര്‍ത്തു.