തൃശൂർ: തൃശൂരിൽ പിഞ്ചു കുഞ്ഞിന്റെ മൃതദേഹം കവറിൽ പൊതിഞ്ഞ നിലയിൽ കനാലിൽ നിന്നും കണ്ടെത്തി. ഇന്ന് രാവിലെ എം എൽ എ റോഡിലുള്ള കനാലിൽ നിന്നുമാണ് ഉപേക്ഷിച്ച നിലയിൽ മൃതദേഹം കണ്ടെത്തിയത്.
മൃതദേഹത്തിന് മൂന്നു ദിവസത്തിലധികം പഴക്കമുണ്ടെന്നാണ് പ്രാഥമിക നിഗമനം. ശാന്തിഘട്ടില്‍ ബലിയിടാനെത്തിയവരാണ് മൃതദേഹം ആദ്യം കണ്ടത്. തുടര്‍ന്ന് പൊലീസില്‍ വിവരമറിയിക്കുകയായിരുന്നു. ആൺകുട്ടിയാണോ പെൺകുട്ടിയാണോ എന്നതിൽ വ്യക്തത വന്നിട്ടില്ല.
മൃതദേഹം തൃശൂർ മെഡിക്കൽ കോളേജ് ആശുപത്രിയിലേയ്ക്ക് മാറ്റി. സംഭവത്തിൽ തൃശൂർ വെസ്റ്റ് പൊലീസ് കേസെടുത്ത് അന്വേഷണം ശക്തമാക്കിയിട്ടുണ്ട്.