തിരുവനന്തപുരം: പ്രമുഖ കോൺഗ്രസ് നേതാവും തൃക്കാക്കര എം.എൽ.എ യുമായ പി.ടി. തോമസിന്റെ നിര്യാണത്തിൽ ഭക്ഷ്യ പൊതുവിതരണ വകുപ്പ് മന്ത്രി ജി.ആർ. അനിൽ അനുശോചിച്ചു. മികച്ച പാർലമെന്റേറിയൻ, നിയമസഭാ സാമാജികൻ, പ്രമുഖ വാഗ്മി, പരിസ്ഥിതി പ്രവർത്തകൻ എന്നീ നിലകളിൽ രാഷ്ട്രീയ , സാമൂഹിക, സാംസ്കാരിക രംഗത്തെ പി.ടി. തോമസിന്റെ സംഭാവനകൾ കേരളീയ സമൂഹം എന്നും ഓർമ്മിക്കപ്പെടുമെന്നും അദ്ദേഹം അനുശോചന സന്ദേശത്തിൽ പറഞ്ഞു. അദ്ദേഹത്തിന്റെ നിര്യാണത്തിൽ കുടുംബത്തിന്റെ ദുഃഖത്തിൽ പങ്കു ചേരുന്നതായും മന്ത്രി ജി.ആർ. അനിൽ അറിയിച്ചു.

ഇന്ന് രാവിലെ 10.15നായിരുന്നു പി.ടി. തോമസ് (70)​ അന്തരിച്ചത്. അർബുദ ബാധിതനായി ചികിത്സയിലായിരുന്നു. വെല്ലൂർ ക്രിസ്ത്യൻ മെഡിക്കൽ കോളേജിലായിരുന്നു അന്ത്യം.