ലൈംഗികബന്ധത്തിൽ ഏർപ്പെടുന്നത് സുഖാനുഭൂതിക്കും പ്രത്യുത്‌പാദന പ്രക്രിയയ്ക്കും മാത്രമല്ല ആരോഗ്യത്തിനും ഗുണകരമാണെന്നാണ് പഠനങ്ങൾ പറയുന്നത്. ഹൃദയാരോഗ്യത്തിനും മാനസികാരോഗ്യത്തിനും സെക്സ് സഹായിക്കുന്നു. എന്നാൽ പതിവായി സെക്സിലേർപ്പെട്ടിരുന്നവർ അതിൽ നിന്ന് പെട്ടെന്ന് മാറി നിൽക്കുമ്പോൾ ശരീരത്തിലും ചില മാറ്റങ്ങൾ ഉണ്ടാകാൻ സാദ്ധ്യതയുണ്ടെന്നാണ് ഡോക്ടർമാർ പറയുന്നത്.

പ്രസവത്തിനു ശേഷമോ പൊതുവെയോ ലൈംഗിക ബന്ധത്തിൽ നിന്ന് കൂടുതൽ നേരം മാറിനിൽക്കേണ്ടി വരികയാണെങ്കിൽ ഉണ്ടാകുന്ന മാറ്റങ്ങൾ ഇവയാണ്.

പതിവായി ലൈംഗിക ബന്ധത്തിൽ ഏർപ്പെടാതെയിരിക്കുമ്പോൾ വജൈനൽ മസിലുകളെ അവ ദുർബലപ്പെടുത്തും. സ്ഖലനത്തിന്റെ ആവൃത്തിയും പ്രോസ്റ്റേറ്റ് കാൻസറിനുള്ള സാദ്ധ്യതയും ബന്ധപ്പെട്ടിരിക്കുന്നതായി 2016ൽ യൂറോപ്യൻ യൂറോളജിയിൽ പ്രസിദ്ധീകരിച്ച പഠനത്തിൽ പറയുന്നു. മാസത്തിൽ 20 തവണ സ്ഖലനം ചെയ്യുന്നവരെ അപേക്ഷിച്ച് മാസത്തിൽ ഏഴ് തവണയിൽ താഴെ സ്ഖലനം ചെയ്യുന്നവർ പ്രോസ്റ്റേറ്റ് കാൻസർ രോഗനിർണയം നടത്തേണ്ടത് പ്രധാനമാണ്.

പ്രസവാനന്തര കാലഘട്ടത്തിൽ പല ദമ്പതികളും ലൈംഗിക ബന്ധത്തിൽ നിന്ന് വിട്ട് നിൽക്കുന്നുണ്ട്. കുഞ്ഞിനെ മുലയൂട്ടുമ്പോൾ അവരിൽ ഈസ്ട്രജന്റെ അളവ് കുറവായിരിക്കും. പിന്നീട് ലൈംഗിക ബന്ധത്തിൽ ഏർപ്പെടുമ്പോൾ ഇത് കാരണം കഠിനമായ വേദന ഉണ്ടാകുകയും ചെയ്യും.

ലൈംഗിക ബന്ധത്തിൽ ഏർപ്പെടുന്നില്ലെങ്കിലോ മറ്റ് തരത്തിലുള്ള വ്യായാമങ്ങളിൽ ഏർപ്പെടുന്നില്ലെങ്കിലോ രക്തസമ്മർദ്ദം ഉയരാനുള്ള സാദ്ധ്യത കൂടുതലാണ് പ്രസവശേഷം ലൈംഗിക ബന്ധം താൽക്കാലികമായി നിർത്തിവച്ചാൽ നിങ്ങൾക്ക് പലപ്പോഴും മാനസിക സമ്മർദ്ദം അനുഭവപ്പെടാം. ഗർഭാവസ്ഥയും പ്രസവവും നിങ്ങളുടെ ശരീരത്തിൽ ധാരാളം മാറ്റങ്ങൾക്ക് ഇടയാക്കും. ഇത് നിങ്ങളുടെ സ്‌ട്രെസ് ലെവലുകൾ ഉയർത്തുകയും നിങ്ങളുടെ മാനസികാവസ്ഥയെ ബാധിക്കുകയും ചെയ്യും.

പതിവായി ലൈംഗിക ബന്ധത്തിൽ ഏർപ്പെടുന്നത് പങ്കാളിയുമായി നന്നായി ആശയവിനിമയം നടത്താനും വൈകാരികമായി ബന്ധപ്പെടാനും സഹായിക്കുന്നു. ലൈംഗികതയുടെ അഭാവത്തിൽ ഇത് അകൽച്ചയ്ക്ക് ഇടയാക്കുമെന്നും ഡോക്ടർമാർ പറയുന്നു.