പുതുവർഷം പിറക്കുമ്പോൾ പുതിയ തീരുമാനങ്ങളെടുക്കുക എന്നത് പതിവുള്ള ഒരു രീതിയാണ്. പുതിയ ജോലി നേടുക,​ വിവാഹം കഴിക്കുക,​ വാഹനം,​ വീട് എന്നിവ സ്വന്തമാക്കുക,​ മടി ഉപേക്ഷിക്കുക,​ വ്യായാമം ചെയ്യുക തുടങ്ങിയ പല തരം തീരുമാനങ്ങളും എടുക്കാം. എന്നാൽ,​ കരിയറിന് ഏറ്റവും മികച്ച ഒരു തീരുമാനമാണ് ഇനി പറയാൻ പോകുന്നത്.

പരസ്പരം ആശയവിനിമയം നടത്തുമ്പോൾ പുതിയ കുറച്ച് ഇംഗ്ലീഷ് വാക്കുകൾ ഉപയോഗിക്കുക. അത് നിങ്ങൾക്ക് കൂടുതൽ ആത്മവിശ്വാസം നൽകുന്നതോടൊപ്പം അറിവ് വർദ്ധിപ്പിക്കുകയും ചെയ്യും. ഇനി പറയുന്ന 5 പുതിയ വാക്കുകൾ ഓ‍ർമയിൽ കരുതിക്കോളൂ...

1. Hellacious ( ഹെലേഷ്യസ് )

അസാധാരണമാംവിധം ശക്തമോ ഭയാനകമോ ആയ കാര്യങ്ങളെ സൂചിപ്പിക്കാം; ശ്രദ്ധേയമായത്; വളരെ ബുദ്ധിമുട്ടുള്ളത്,​ അസാധാരണമായത് എന്നെല്ലാം അർത്ഥം വരാം.

ഉദാഹരണം: Traffic is hellacious this time of day

2. Fast fashion ( ഫാസ്റ്റ് ഫാഷൻ )

പുതിയ ട്രെൻഡിനനുസരിച്ച് വില കുറച്ച് ഉപഭോക്താക്കൾക്ക് ലഭ്യമാക്കുന്ന തരത്തിലുള്ള വസ്ത്ര ഫാഷനുകളുടെ രൂപകല്പന, വിപണനം എന്നിവയെ സൂചിപ്പിക്കാം.

ഉദാഹരണം: It seems she's on a tight budget and can't afford but fast fashion.

3. Supposably ( സപ്പോസബ്ലി )

ഊഹിക്കുക, സങ്കൽപ്പിക്കുക എന്നീ അർത്ഥങ്ങളിൽ ഉപയോഗിക്കാം.

ഉദാഹരണം: It's supposably reported that he is going to win the election.

4. Hygge (ഹൈഗെ )

ഒരു വ്യക്തിയെ തൃപ്‌തികരവും സുഖപ്രദവുമാക്കുന്ന അനുഭവം.

ഉദാഹരണം: Holidays are full of hygge for me and my family

5. Long hauler ( ലോംഗ് ഹോലർ)

ഏതെങ്കിലും ഗുരുതരമായ രോഗത്തിന്റെ അനന്തരഫലങ്ങൾ അനുഭവിക്കുന്ന ഒരാളെ പരാമർശിക്കുക.

ഉദാഹരണം: Young, healthy people can be long-haulers too.

( ശ്രദ്ധിക്കുക: ഈ പദങ്ങളിൽ ചിലതിന് ഒന്നിലധികം അർത്ഥങ്ങളുണ്ട്. വ്യത്യസ്‌ത സന്ദർഭങ്ങൾക്കും സാഹചര്യങ്ങൾക്കും അനുസരിച്ച് അർത്ഥം മാറ്റാവുന്നതാണ്. 2021ൽ ഉപയോഗിച്ച ട്രെൻഡിംഗ് ഇംഗ്ലീഷ് വാക്കുകളിൽ ചിലതാണ് മുകളിൽ നൽകിയിരിക്കുന്നത്.)