റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ -മെയിൽ : samkhiyarathnam@gmail

അശ്വതി: ഏതു പ്രതിസന്ധിയും അതിജീവിക്കാൻ പ്രത്യേക വൈഭവമുണ്ടാകും. സാമ്പത്തിക വിഷമങ്ങൾ ഒരു പരിധിവരെ മാറി കിട്ടും. ധനപരമായ ബുദ്ധിമുട്ടുകൾ മാറും, വ്യവഹാരങ്ങൾ അനുകൂലമാകും.

ഭരണി: പല നല്ല കാര്യങ്ങളും അപ്രതീക്ഷിത സംഭവങ്ങളും ജീവിതത്തിൽ വന്നുചേരും. ബുദ്ധിസാമർത്ഥ്യം മുഖേന പല ആപത്തുകളിൽ നിന്നും രക്ഷപ്പെടും.

കാർത്തിക: ബന്ധുജനങ്ങളുമായി ഉണ്ടായിരുന്ന അഭിപ്രായ വ്യത്യാസങ്ങൾ മാറികിട്ടും. മേലധികാരികളിൽ നിന്നും സൗഹാർദ്ദപരമായ സമീപനം പ്രതീക്ഷിക്കാം.

രോഹിണി: കർമ്മ മേഖലയിൽ പുതുമയാർന്ന ആശയങ്ങൾ അവതരിപ്പിക്കുന്നത് വഴി അംഗീകാരം ലഭിക്കും. സ്ത്രീകൾക്ക് ആഭരണവസ്ത്രാദിലാഭം.

മകയിരം: സ്വന്തം പ്രയത്‌നത്തിലൂടെ ഉയർച്ചയും പുരോഗതിയും നേടിയെടുക്കുന്നതിന് സാധിക്കുന്നതാണ്. ദാമ്പത്യ ജീവിതം സന്തോഷപ്രദമായിരിക്കും.

തിരുവാതിര: ഉദ്ദേശിക്കുന്ന പലകാര്യങ്ങളും പ്രാവർത്തികമാക്കാൻ സാധിക്കും, സേവന സന്നദ്ധത പ്രകടിപ്പിക്കും, വസ്ത്രങ്ങളും ആഭരണങ്ങളും വാങ്ങും. സന്താനങ്ങളുടെ ആരോഗ്യ പരിപാലനം നടത്തും.

പുണർതം: ആരോഗ്യപരമായും തൊഴിൽപരമായും ഉണ്ടായിരുന്ന ബുദ്ധിമുട്ടുകൾ അവസാനിക്കും, വിവിധ മേഖലകളിൽ നിന്നും പണം വരും, നഷ്ടപ്പെട്ടന്നു കരുതിയവ തിരികെ ലഭിക്കും.

പൂയം: പ്രതികൂല സാഹചര്യങ്ങളിൽ ആത്മവിശ്വാസത്തോടു കൂടി പ്രവർത്തിക്കുവാൻ സാധിക്കും, കലാപരമായും സാഹിത്യപരമായും നല്ല സമയം, മറ്റുള്ളവർക്ക് ഉപദേശം നൽകാൻ കഴിവുണ്ടാകും.

ആയില്യം: അകാരണമായ കലഹങ്ങൾ പല പ്രശ്‌നങ്ങൾക്കും ഇടയാക്കും. സന്താനങ്ങളുടെ വിദ്യാഭ്യാസത്തെക്കുറിച്ച് ഉത്കണ്‌ഠാകുലരാകും. ദുർവാശി ഒഴിവാക്കുക, തൊഴിലുമായി ബന്ധപ്പെട്ട് പരാതികളുണ്ടാകും.

മകം: മനഃസന്തോഷം വർദ്ധിപ്പിക്കും. അവസരോചിതമായി ആത്മധൈര്യം കൈവിടാതെ പ്രവർത്തിക്കുന്നതിനാൽ ആപത്ഘട്ടങ്ങളെ അതിജീവിക്കും. എല്ലാകാര്യത്തിലും ആത്മനിയന്ത്രണം പാലിക്കണം.

പൂരം: കുടുംബാംഗങ്ങളോട് പരുഷമായ വാക്കുകൾ ഉപയോഗിക്കുവാനുള്ള പ്രവണതയുണ്ടാകും. ആഗ്രഹിക്കുന്ന കാര്യങ്ങൾ പലതും നടപ്പിലാക്കാനാവില്ല. ഉദ്യോഗത്തിൽ തിരിച്ചടികൾ.

ഉത്രം: പങ്കാളിക്ക് ജോലിയിൽ പ്രമോഷൻ ലഭിക്കുന്നതു വഴി മനഃസന്തോഷം വർദ്ധിക്കും. സഹോദരപക്ഷത്തു നിന്നും സഹായം ലഭിക്കും, വിദ്യാഭ്യാസ പുരോഗതി, എല്ലാ രംഗത്തും വിജയം.

അത്തം: ബന്ധുക്കളുമായി നിലവിലുണ്ടായിരുന്ന അഭിപ്രായ വ്യത്യാസം കൂടും. മുൻകോപം കാരണം സുഹൃത്തുക്കളുമായി അഭിപ്രായ വ്യത്യാസമുണ്ടാകും. മറ്റുള്ളവരിൽ നിന്നും ക്ലേശകരമായ അനുഭവങ്ങൾ വരാം.

ചിത്തിര: പൊതുജനങ്ങളുമായി കലഹിക്കാനിടവരും. കുടുംബാംഗങ്ങൾക്കുണ്ടാകുന്ന രോഗങ്ങൾ മുഖേന സാമ്പത്തിക ക്ലേശം ഉണ്ടാകാൻ സാദ്ധ്യത. പിതാവിൽ നിന്നോ പിതൃബന്ധുക്കളിൽ നിന്നോ വിഷമാനുഭവങ്ങൾ ഉണ്ടാകും.

ചോതി : ഭവനത്തിൽ സമാധാനം വർദ്ധിക്കും, ദുർച്ചെലവുകൾ ഒഴിഞ്ഞു പോകും, പൊതുകാര്യങ്ങൾക്ക് ഇടപെട്ട് സൽപ്പേര് സമ്പാദിക്കും. ഗൃഹനിർമ്മാണത്തിന് തുടക്കം കുറിക്കാൻ ഉദ്ദേശിക്കുന്നവർക്ക് അനുകൂലസമയം.

വിശാഖം: യാത്രയിൽ കാര്യനേട്ടങ്ങൾ കൈവരിക്കും. വിവാഹ അന്വേഷണം നടത്തുന്നവർക്ക് മംഗല്യം സിദ്ധിക്കുന്ന അവസരമാണ്, പൊതുരംഗത്ത് പ്രവർത്തിക്കുന്നവർക്ക് പുതിയ അവസരങ്ങളും സാദ്ധ്യതകളും കാണുന്നുണ്ട്.

അനിഴം: തൊഴിൽരംഗത്ത് ഉയർച്ച, അംഗീകാരം എന്നിവ ലഭിക്കും, പങ്കാളിയുടെ ഭാഗത്തു നിന്നും സാമ്പത്തിക സഹായങ്ങൾ,​ വസ്‌തുവകകൾ എന്നിവ വന്നു ചേരും.

കേട്ട: ഭൂമിയിൽ നിന്നും ആദായം വർദ്ധിക്കും, ദൈവികകാര്യങ്ങൾ നടത്തുവാൻ അവസരം വർദ്ധിക്കും, വാഹനം വാങ്ങാൻ തീരുമാനമാകും. പെൺമക്കളുടെ അകന്നു നിന്ന കല്യാണാലോചനകൾ വീണ്ടും സജീവമാകും.

മൂലം: സ്ത്രീകൾ മൂലം സുഖവും സന്തോഷവും ലഭിക്കും. വിദ്യാഭ്യാസം, തൊഴിൽ എന്നീ രംഗത്ത് ഗുണം കൈവരിക്കും, പ്രേമവിവാഹം തീരുമാനമാകും, പിണങ്ങി നിന്നിരുന്ന ദമ്പതികൾ യോജിപ്പിലാകും.

പൂരാടം: സന്താനങ്ങളിൽ നിന്നും സന്തോഷം വർദ്ധിക്കും. കുടുംബത്തിൽ ശുഭകാര്യങ്ങൾ നടക്കും, തൊഴിലനുഷ്‌ഠിക്കുന്നവർക്കും ഗുണകരമായ സമയം.

ഉത്രാടം: വാണിജ്യം, വ്യവസായം എന്നീ മേഖലയിൽ പ്രവർത്തിക്കുന്നവർക്ക് ഗുണപ്രദമായ ദിനം, സുഗന്ധദ്രവ്യങ്ങൾ, അലങ്കാര വസ്‌തുക്കൾ എന്നിവ ലഭിക്കും.

തിരുവോണം: വിദ്യാഭ്യാസരംഗത്ത് നല്ല പുരോഗതി, യാത്രക്ക് അനുയോജ്യമായ സമയം, കുടുംബങ്ങൾക്കിടയിലും പൊതുജനങ്ങൾക്കിടയിലും അംഗീകാരം.

അവിട്ടം: രാഷ്ട്രീയരംഗത്ത് പ്രവർത്തിക്കുന്നവർക്ക് അനുകൂല അവസരം, സർക്കാരിൽ നിന്നും ആനുകൂല്യങ്ങൾ വന്നു ചേരും, അപ്രതീക്ഷിത യാത്രകൾ മൂലം ധനനേട്ടം.

ചതയം: ഭൂമിവാങ്ങിക്കുന്നതിനും പുതിയ ഭവനം വയ്‌ക്കുന്നതിനും ശ്രമം വിജയിക്കും, കാര്യങ്ങൾക്ക് തടസങ്ങൾ നീങ്ങും, വസ്‌തുതർക്കങ്ങൾ ഒത്തുതീർപ്പിലേക്ക് നീങ്ങും.

പൂരുരുട്ടാതി: ദാമ്പത്യജീവിതത്തിലും അപ്രതീക്ഷിത പ്രയാസങ്ങൾ, യാത്ര താമസിക്കുകയോ മുടങ്ങുകയോ ചെയ്യും, സഹോദരഭാഗത്തു നിന്നും മനഃക്ലേശം.

ഉത്തൃട്ടാതി: മാതാവിൽ നിന്നും മനഃപ്രയാസം, ബന്ധുജനങ്ങളിൽ നിന്നും വിമർശനങ്ങൾ നേരിടേണ്ടി വന്നേക്കും, ഉത്തരവാദിത്വങ്ങൾ നിറവേറ്റുവാൻ പ്രയാസപ്പെടും.

രേവതി: കേസുകൾ, ശത്രുത എന്നിവ സംഭവിക്കാതിരിക്കുവാൻ കൂടുതൽ ശ്രദ്ധിക്കണം, ശാരീരികപ്രശ്‌നങ്ങൾ അലട്ടും, വളരെ സൂക്ഷിച്ചില്ലെങ്കിൽ അമിതമായ ധനചെലവ് ഉണ്ടാകും.