ബംഗളൂരു: തനിക്കൊപ്പം നിന്ന് സെൽഫിയെടുക്കാൻ ശ്രമിച്ചയാളെ തടഞ്ഞ് കർണാടക കോൺഗ്രസ് അദ്ധ്യക്ഷൻ ഡി കെ ശിവകുമാർ. മണ്ഡ്യയിലെ ശിവപുരയിൽ കോൺഗ്രസ് സ്ഥാപക ദിനാഘോഷ ചടങ്ങിനിടെയായിരുന്നു സംഭവം. സെൽഫിയെടുക്കാൻ ശ്രമിച്ച കോൺഗ്രസ് പ്രവർത്തകനോട് നിങ്ങൾക്ക് സാമാന്യ ബുദ്ധി ഇല്ലേ എന്ന് ചോദിച്ച് ദേഷ്യപ്പെടുകയും ചെയ്തു.
ശിവകുമാർ പ്രവർത്തകർക്കൊപ്പം നടന്നുവരുന്നതിനിടെ, കൂട്ടത്തിലൊരാൾ സെൽഫിയെടുക്കാൻ ശ്രമിച്ചു. ദേഷ്യത്തോടെ ഇയാളുടെ കൈയിൽ പിടിക്കുകയായിരുന്നു. 'നിങ്ങൾക്ക് കോമൺസെൻസ് ഇല്ലേ.' എന്ന് ചോദിച്ചു. ഉടൻ തന്നെ ശിവകുമാറിന്റെ അംഗരക്ഷകർ ഇയാളെ തള്ളിമാറ്റി. ഇതിന്റെ വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്.
തന്റെ പ്രവൃത്തിയെ അദ്ദേഹം ന്യായീകരിക്കുകയും ചെയ്തു. 'പിന്നിൽനിന്ന് എത്തുന്നവരുടെ കൈയിൽ എന്താണെന്ന് നമുക്കറിയില്ല. രാജീവ് ഗാന്ധിക്ക് എന്താണ് സംഭവിച്ചതെന്ന് അറിയില്ലേ. ചിലപ്പോൾ മനുഷ്യസഹജമായ ദേഷ്യവും വികാരവും പ്രകടിപ്പിച്ചെന്നു വരും. അതിൽ ഒരു തെറ്റുമില്ല'. - എന്നായിരുന്നു അദ്ദേഹത്തിന്റെ ന്യായീകരണം.
#WATCH | Karnataka Congress chief DK Shivakumar scolds a man who tries to take a selfie with him in Mandya
— ANI (@ANI) December 29, 2021
"We don't know what one might have in hand. You know what happened to Rajiv Gandhi. Sometimes, human anger & emotions come out, nothing wrong in that," the leader says pic.twitter.com/cMjh7LuXbp